Everton vs. Liverpool

Byrjun leiktíðar

 Góðan daginn

Síðan fer rólega af stað þetta tímabilið, enda virðist það fylgja árangri hversu duglegt fólk er að skrifa á síðuna og þar á meðal ég sjálfur. Nú eru 4 leikir búnir í deildinni og situr Everton í 18. sæti með einungis 2 stig. Hinsvegar hefur spilamennskan á köflum verið mjög góð og finnst mér hafa vanntað smá uppá á síðasta þriðjungi vallarinns. Ég er þó á því máli að miðað við spilamennsku þá ættum við að hafa fleiri stig, en það er víst ekki nóg að spila vel það þarf að koma knettinum inn í markið. 

Verður Rodwell seldur?

Síðasta vikan til að kaupa og selja

Jæja nú eru síðustu dagarnir áður en leikmannaskipta glugganum verður lokað. Allt hefur verið hljótt hjá okkar mönnum. Þó verða sögusagnir háværari að Everton sé nálægt því að ná samkomulagi við Sporting Lissabon um kaup á Marat Izmailov. Hann er 27 ára og getur spilað á hægri kanti. Hann er ekki í náðinni hjá stjóra Sporting. Hann byrjaði feril sinn hjá Lokomotiv Moscow. Hann hefur verið hjá Sporting síðan 2007. Þó hafa meiðsli hrjáð þennan leikmann stóran hluta ferils hans.

Er Moyes á útsölum?

Talið er að Moyes sé að reyna að ná Peter Crouch til sín fyrir mjög lækkað verð. En Crouch virðist ekki eiga framtíðina fyrir sér á White Hart Lane. Heyrst hefur að Moeys vilji fá eitt stykki reynslubolta í efstu deild við hliðina á Beckford.

Arteta gerir 5 ára samning og fyrsti leikurinn í deildinni

Eins og eflaust flestir ef ekki allir Everton aðdáendur vita þá var Mikel Arteta að gera nýjan 5 ára samning við okkar ástkæra félag sem gerir hann að launahæsta leikmanni sögunnar og segja fréttir að hann sé með £75.000 í vikulaun. Þetta er að mínu mati bestu fréttir ársins, þar sem þessi leikmaður er okkur gríðarlega mikilvægur. Aðeins ef skoðuð er sú tölfræði að eftir að Arteta kom til Everton höfum við unnið 47% leikja með hann í liðinu á móti einungis 31% án hans, segir okkur að þessi leikmaður er liðinu gríðarlega mikilvægur. Spurning hvort Pienaar fylgi eftir og skrifi undir nýjan samning, en að mínu mati á hann aldrei að fá sömu laun og Arteta en sjáum til hvað gerist. 

Hvað gerist á næstu dögum?

Ekki er nú mikið líf í leikmannamarkaðinum hjá okkar mönnum þessa dagana. Þó hefur Kenwright gefið það opinberlega út að hann útiloki ekki að opna budduna fyrir Moyes. Þetta kemur í kjölfarið á að tilkynnt var að Chang og Everton hefðu gert nýjan samning. Gamli samningurinn hljóðaði upp á 8 milljónir punda á næstu þremur árum sem Everton fær frá Chang en orðrómur er um að honum hafi verið breytt í 15-30 milljónir punda á næstu þremur árum. Þetta er þó ekki staðfest.

Moyes hefur gefið það út að hann vonist til að fá Donovan á láni á sama hátt og á síðasta tímabili. Hann segist vita að Donovan vilji koma aftur til Everton en hann sé þó ekki reiðubúinn að kaupa hann fyrir 11 milljónir punda. Þó segir nýjasta slúðrið að Moyes vilji selja Yakubu fyrir 9 milljónir punda og þá sé hann reiðubúinn að láta þá peninga í Donovan. West Ham eru búnir að bjóða 7 milljónir í Yak en því var hafnað. Talið er að Everton samþykki 9 milljónir fyrir hann.

Allt að gerast