Mynd: Everton FC.
Þessari færslu er ætlað að halda utan um kaup, sölur — sterka orðróma — sem og samninga og lán Everton (inn og út) í félagaskiptaglugganum sem opnaði þann 1. janúar og lokar aftur kl. 23 þann 31. janúar (en ekki 1. febrúar eins og upphaflega var greint frá).
Það kæmi á óvart ef Everton myndi ekkert styrkja liðið í glugganum en þrátt fyrir loforð um auknar fjárfestingar er rétt að stilla væntingum í hóf, eins og náttúrulega alltaf. Alltaf skemmtilegra að gera litlar væntingar og láta koma sér á óvart frekar en að verða sífellt fyrir vonbrigðum. Rétt að muna að góðir hlutir gerast hægt.
Hér að neðan er það helsta sem telja má upp í augnablikinu (ath: ekki tæmandi listi). Höfum þetta í öfugri tímaröð svo ekki þurfi að skrolla langt niður fyrir nýjustu fréttirnar. Við reynum að halda þessu uppfærðu eftir bestu getu þannig að kíkið aftur hér síðar og endilega látið vita í kommentakerfinu ef við misstum af einhverju!
Yfirlit yfir gluggann
Morgan Schneiderlin keyptur á 20M punda.
Ademola Lookman keyptur á 10M punda.
Anton Donkor kom að láni.
Darron Gibson seldur til Sunderland.
Bryan Oviedo seldur til Sunderland.
Nathan Holland (ungliði) seldur til West Ham.
Tom Cleverley fór einnig á láni til Watford og Gerard Deulofeu til AC Milan.
Ungliðalán: Calum Dyson, Leandro Rodriguez, Steven Kinsella, Conor McAleny, Tyias Browning, Russell Griffiths, Antony Evans, Gethin Jones, Callum Connolly, Conor Grant.
31. janúar
00:51 Líklegast er hægt að fullyrða að ekkert meira sé að frétta og við ætlum því að láta þetta nægja héðan í bili. Niðurstaðan er sú að Everton átti næstdýrustu kaupin í glugganum (Schneiderlin) og Lookman að auki, sem var á topp tíu listanum. Ef við horfum á liðin fyrir ofan Everton er þetta niðurstaðan: City keyptu tvo kjúklinga: Yangel Herrera og Gabriel Jesus. Chelsea keyptu: engan, Tottenham: engan, Liverpool: engan, Arsenal: einn kjúkling frá Hednesford Town.
23:04 Sky Sports segja að Calum Dyson hafi farið að láni til Grimsby (staðfest!) og Leandro Rodriguez að láni til belgíska klúbbinn Waasland-Beveren (staðfest!).
23:00 Glugginn er LOKAÐUR, nema í þeim tilfellum að félögin nái að byrja skráningu fyrir kl. 23:00 og nái samkomulagi þar á eftir.
22:31 STAÐFEST: Everton staðfesti nú rétt áðan lánið á ungliðanum Steven Kinsella til Dundalk til loka tímabils í írsku deildinni.
22:21 Skv. frétt á NSNO er Everton með augastað á ungliðanum Ozancan Kokcu hjá Feyernoord.
21:35 STAÐFEST: Everton staðfesti nú rétt áðan lánið á Conor McAleny til Oxford til loka tímabils.
21:32 Sky Sports segja að Conor McAleny sé farinn að láni til Oxford til loka tímabils.
20:17 Sky Sports segja nú að Everton og Crystal Palace hafi náð samkomulagi um Aarouna Kone, sem fer þangað að láni fram að lokum tímabils.
19:54 Sky Sports segja að Aarouna Kone sé við það að fara til Crystal Palace.
18:28 Lesendur BBC völdu bestu félagaskiptin í þessum glugga nú rétt í þessu. Morgan Schneiderlin vann þá kosningu en Ademola Lookman var í fjórða sæti.
18:05 Alan Irwine hjá Sky Sports sagði að enn væri beðið eftir niðurstöðu í máli Aarouna Kone og sagði að Aaron Lennon gæti einnig verið á leið frá félaginu að láni.
17:05 Sky Sports segja á bloggi sínu að Everton hafi fengið tilboð frá neðrideildarliðum og að utan í Aarouna Kone en óvíst hvort af því verður þar sem hann vill vera í Úrvalsdeildinni. Moyes kannski?
15:00 Jose Mourinho staðfesti það nú áðan að tveir leikmenn sem orðaðir hafa verið við Everton, Wayne Rooney og Ashley Young, væru ekki á förum.
13:02 Everton hefur 5 sinnum í síðustu 6 janúargluggum keypt leikmann á lokadegi félagaskipta og aðeins árið 2015 þar undanskilið. Spurning hvað gerist í dag en leikmennirnir sem um ræðir voru: Vellios (2011), Jelavic (2012), Stones (2013), Stanek (2014), Niasse (2016). Félagið hefur ekki jafn oft losað sig við leikmenn á síðasta degi eða 6 sinnum á síðustu 10 árum: Matthew Kennedy (2015), Heitinga (2014), Saha (2012), Stubbs (2008), de Silva (2008) og Mark Hughes (2007).
11:31 Og í tengdum fréttum þá brilleraði Anton Donkor með Everton U23 ára liðinu í sínum fyrsta leik en Everton fékk hann til liðs við sig 26. janúar síðastliðinn.
11:28 Skv. frétt í Liverpool Echo er stjóri Burnley ekki á þeim buxunum að selja miðvörðinn Michael Keane.
11:27 Umboðsmaður Caio Emerson staðfesti í dag að Everton væri í viðræðum við þennan unga sóknarmann (17 ára) sem Daily Star segja að sé einn efnilegasti leikmaður Suður-Ameríku um þessar mundir. Samningur hans rennur út í sumar þannig að kaupverðið myndi ekki vera hátt en önnur lið eru einnig sögð í viðræðum við hann.
11:26 Skv. frétt í Express ætlar United að bjóða í Coleman.
11:25 Rétt er að geta þess að dagurinn í dag er síðasti dagur félagaskiptagluggans en hann lokar kl. 23:00 í kvöld.
30. janúar
– Skv. frétt á Evertonfc.com sagði Koeman að Phil Jagielka sé ekki á leiðinni frá félaginu.
Það er nokkuð ljóst að áherslan, skv. þessari frétt, er klárlega á að byggja upp enn sterkara U23 ára lið til að banka á gluggann hjá aðalliðinu en U23 ára lið Everton er sem stendur í efsta sæti Premier League 2.
– Skv. frétt á NSNO sagði Koeman að það sé möguleiki á að Arouna Kone verði seldur í glugganum en tilboð hafa borist — bara ekki ljóst hvort Everton eða Kone hafnaði þeim.
– STAÐFEST: Everton staðfesti nú í kvöld sölu á Oviedo og Gibson til Sunderland fyrir ótilgreinda upphæð.
– Einnig var það nefnt á ToffeeWeb að tilboði Everton í markvörðinn Aaron Ramsdale, markvörð enska U19 ára liðsins, hefði verið hafnað af Sheffield United.
– Svo virðist vera sem Koeman hafi staðfest að Everton hafi áhuga á að kaupa miðvörðinn Michael Keane frá Burnley.
– STAÐFEST: Everton staðfesti í dag framlengingu á samningi ungliðans Tyias Browning til tveggja og hálfs árs en hann var í kjölfarið strax lánaður til Preston.
– Paul Joyce hjá The Times tísti seint í gærkvöldi að Darron Gibson og Bryan Oviedo væru komnir í læknisskoðun hjá Sunderland. Fréttir á BBC og Sky fylgdu í kjölfarið þannig að þetta virðist vera að ganga í gegn.
28. janúar
– Skv. frétt á Daily Mail sem NSNO vitnuðu í hafnaði Everton 16M punda tilboði í James McCarthy.
– Skv. frétt á ToffeeWeb er Everton að skoða Leandro Paredes hjá Roma en hann er 22ja ára argentínskur miðjumaður sem nokkrir Úrvalsdeildarfélög hafa verið að skoða.
– Skv. frétt á NSNO lét Jim White (sem sér um umfjöllun á félagaskiptum hjá BBC) hafa eftir sér að Everton muni enda félagaskiptatímabilið í þessum glugga með trukki. En á móti kemur að skv. frétt úr hollensku blaði (sem ToffeeWeb vitnuðu í, og Elvar minntist á hér í kommentakerfinu) mun Koeman horfa grannt á hvort ungliði hjá félaginu sé við það að brjóta sér leið í aðalliðið og muni hafa það til hliðsjónar þegar leikmenn eru keyptir (ekki kaupa ef hæfileikaríkur ungur leikmaður er á jaðrinum).
– Sagan endalausa um Yarmalenko fór á flug aftur en hann er sagður nú falur fyrir aðeins 9M punda. Sú frétt kom frá NSNO sem sögðu einnig að Everton væri að skoða Ashley Young hjá United.
– Skv. frétt á NSNO eru margir miðlar að birta fréttir um að Everton sé búið að ná samkomulagi við Corinthians um hinn 17 ára brasilíska sóknarmann, Caio Emerson (sjá vídeó).
27. janúar
– STAÐFEST: Everton staðfesti í dag að markvörðurinn ungi, Russell Griffiths, hefði verið lánaður til Motherwell til loka tímabils.
– Óvæntu fréttir dagsins (frá Sky Sports) eru hins vegar þær að Jose Baxter mun fá annað tækifæri til að koma lífi sínu á réttan kjöl og taka upp þráðinn sem fótboltamaður á ný en hann fer bráðum að ljúka ársbanni frá fótbolta eftir að hann féll á lyfjaprófi. Hann fer beint í U23 hóp Davids Unsworth.
26. janúar
– Skv. frétt í Liverpool Echo þarf Everton að borga 1.5M punda fyrir Anton Donkor (sem Everton fékk að láni í gær) til að breyta láninu í kaup. Það blað birti einnig frétt um að Everton sé komið í kapphlaup við Liverpool um Nicolas Pepe, 19 ára framherja hjá Angers í frönsku deildinni og jafnframt að Koeman sé ekki tilbúinn til að láta Bryan Oviedo fara.
– Skv. frétt í Daily Star er Everton að skoða kaup á miðverðinum Harry Maguire hjá Hull en hann ku hafa hafnað framlengingu á samningi hjá þeim.
– Daily Mail segir að Newcastle og Crystal Palace séu áhugasöm um að fá James McCarthy til liðs við sig.
– Og þau hjá Daily Star segja að Everton sé að skoða Pieros Sotiriou, 24ra ára sóknarmann frá Kýpur sem hefur verið eldheitur með liði sínu Nicosia og skorað 14 mörk í 19 leikjum (sjá vídeó).
– Skv. frétt á IBT mun James McCarthy leggja inn (eða hefur þegar lagt inn) formlega beiðni um að fundin verði lausn á því að hann fái lítið að spila og fái að reyna fyrir sér annars staðar.
25. janúar
– STAÐFEST: Everton staðfesti í dag að hafa fengið ungan framherja að nafni Anton Donkor að láni frá Wolfsburg til loka tímabils en hann er 19 ára og fer til liðs við Everton U23.
– Skv. frétt í Daily Mail er David Moyes nú að bjóða í Bryan Ovideo (að auki við Darron Gibson, sem áður hefur verið nefnt).
24. janúar
– Skv. frétt á Liverpool Echo eru 6 klúbbar á höttunum eftir Phil Jagielka: Crystal Palace, Bournemouth, Southampton, Swansea, Sunderland og West Brom.
– Sama blað birti frétt um að Everton hefði boðið í Thomas Delaney hjá Werder Bremen, fyrst 5.5M punda og svo 8M en báðum tilboðunum hefði verið hafnað en að hann hefði síðan spilað fyrir þá og er þar með ekki löglegur leikmaður með öðrum liðum (leikmaður má mest spila fyrir tvö lið á tímabilinu).
– Einnig birtu þau frétt um að Everton væri að skoða framherjann unga, Martin Terrier hjá Lille.
– Þau hjá Toffeeweb birtu þrjár fréttir í kvöld (hér, hér og hér) þar sem fram kom að David Moyes hefði áhuga á að fá Darron Gibson til liðs við sig, og að Everton væri að skoða Helder Costa hjá Wolves og kantmanninn Leon Bailey hjá Genk.
– Skv. frétt á NSNO (sem vitnuðu í The Times) sagði James McCarthy nei við David Moyes um að ganga til liðs við Sunderland á dögunum.
23. janúar
– STAÐFEST: Skv. frétt á Sky Sports lítur út fyrir að samkomulag hafi náðst milli AC Milan og Everton um lán á Deulofeu en myndir sýna hann mæta í læknisskoðun hjá þeim. BBC segja nú að þetta sé frágengið. Everton var að staðfesta fréttina.
– Skv. frétt á Express mun Everton snúa sér að miðverðinum Branislav Ivanovic (32ja ára) hjá Chelsea ef Phil Jagielka fer en Serbinn hefur fengið fá tækifæri með Chelsea undanfarið.
– Skv. frétt á NSNO er Everton á höttunum eftir markverðinum Tom Heaton hjá Burnley.
22. janúar
– STAÐFEST: Everton staðfesti í dag að ungliðinn Nathan Holland hefði verið seldur til West Ham fyrir ótilgreinda upphæð.
– Ekki mikið annað að frétta. Samningaviðræður um Deulofeu virðast mjakast áfram, Jagielka er enn orðaður við önnur lið.
– Nýjasti orðrómurinn, skv. frétt í DailyStar um Everton tengist Burnley miðverðinum Michael Kean, sem er 24ra ára gamall.
20. janúar
– STAÐFEST: Skv. frétt á Sky Sports (sem AC Milan staðfestu) er Gerard Deulofeu farinn að láni til AC Milan til loka tímabils. Skv. frétt á NSNO borguðu þeir 500K pund fyrir lánið en greiðslan var talin vera það sem lánið strandaði á til að byrja með. Ekki er ljóst hvort Milan hafi kauprétt á honum þegar láni lýkur.
– UHH…: Skv. frétt á Sky Sports segir Everton klúbburinn að það sé ekki rétt að samningar við AC Milan hafi náðst um lán á Gerard Deulofeu.
19. janúar
– STAÐFEST: Everton staðfesti í dag að ungliðinn Antony Evans (19 ára sóknarmaður) væri farinn til Morecambe að láni til loka tímabils.
– Skv. frétt í Daily Star vill Everton ná í Franck Kessie, sem er sókndjarfur miðjumaður, en Chelsea ku þegar vera í viðræðum um að kaupa hann.
– Everton er búið að kaupa leikmenn fyrir 30M punda en Koeman vonast eftir fleiri leikmönnum, ef marka má þessa frétt á NSNO.
– Skv. frétt á ToffeeWeb er Koeman búinn að staðfesta að ekki er lengur áhugi á sóknarmanninum Ishak Belfodil og að framtíð Deulofeu gæti legið annars staðar en hjá Everton. Þeir greindu einnig frá því að Everton væri að skoða sóknarmanninn unga, Martin Terrier, hjá franska liðinu Lille og frá því að Arouna Kone væri í sigtinu hjá Swansea og Crystal Palace og fleiri liðum.
18. janúar
– Fréttamiðlar gefa misvísandi fregnir varðandi Gerard Deulofeu. Sumir segja að hann sé um það bil að fara á láni til Milan. Aðrir segja að Milan menn séu ekki tilbúnir að greiða fyrir lánið. Sjáum hvað setur.
– Skv. frétt á NSNO er Everton enn að spá í Kostas Manolas en þeir greindu einnig frá því að Lukaku sé að vonast eftir að sjá fleiri leikmenn áður en glugginn lokar.
17. janúar
– Ekki mikið um nýjar fréttir enn sem komið er. Gerard Deulofeu sagður mögulega á leið til Milan, en það hefur þegar komið fram hér svo það er ekkert nýtt svo sem. Hér er BBC linkurinn á fréttina. Reyndar er breska pressan eitthvað að spekúlera að hann gæti verið á leiðinni til Middlesbrough.
– Ein frétt datt inn á ToffeeWeb í dag sem sagði að Everton væri að bjóða í 19 ára varnarmann, Tosin Adarabioyo, sem nú er á mála hjá City. Hann er víst bráðum með lausan samning og vill ekki framlengja hjá City.
-Everton staðfesti að Gethin Jones, varnarmaðurinn og fyrirliði Everton U23, hefði verið lánaður til Barnsley til loka tímabils.
16. janúar
– Skv. frétt í Express er Everton að skoða Gustavo Viera, 16 ára sóknarmann, sem leikur með liði Liverpool í Montevideo (Úrúgvæ).
– Skv. frétt í Liverpool Echo eru nú bæði Sunderland og West Ham orðuð við Phil Jagielka og tóku Newcastle Chronicle undir það og bentu jafnframt á að James McCarthy gæti verið á leið til Sunderland í skiptum fyrir Lamina Kone.
15. janúar
– Skv. frétt í Daily Mail er fyrirliðinn okkar, Phil Jagielka, í viðræðum við Everton um framtíð sína hjá félaginu en hann hefur verið orðaður við Sunderland.
– Skv. frétt á NSNO er Bryan Oviedo að hugsa sér til hreyfings eftir að hafa ekki einu sinni náð á varamannabekkinn síðastliðna tvo mánuði.
– Og tengt leikmannakaupum þá kom fram í frétt á Everton síðunni að Koeman sé búinn að vera ánægður með samvinnu hans og Steve Walsh.
14. janúar
– Síðasta frétt dagsins er svo lán á varnarmanninum unga Callum Connolly til Wigan til loka tímabils en hann beið ekki boðanna heldur skoraði tvö mörk í sínum fyrsta leik fyrir þá. Geri aðrir betur!
– Skv. frétt í Liverpool Echo er Everton að skoða Tyrese Campbell, son Kevin’s Campbell sem er okkur að góðu kunnugur, en hann er sóknarmaður, líkt og pabbinn, og hefur skorað 22 mörk í 30 leikjum fyrir Stoke U23 liðið.
– Skv. frétt í Sun eru Everton, Leicester og West Ham enn á höttunum eftir Jonathan Cafu, 25 ára kantmanni, hjá Ludogorets sem er búinn að skora 11 mörk á tímabilinu og 7 stoðsendingar að auki (ein gegn Arsenal í Meistaradeildinni).
– Skv. frétt í Liverpool Echo er Ishak Belfodil enn á leiðinni til Everton.
– Og hvað um þessi takta á æfingu hjá Morgan Schneiderlin?
13. janúar
– STAÐFEST: Everton staðfesti í dag að Oumar Niasse sé farinn á láni til Hull.
12. janúar
– Skv. frétt á Toffeeweb er Everton að blanda sér í baráttuna um kantmanninn Jonathan Cafu hjá Ludogorets.
– STAÐFEST: Everton staðfesti nú rétt áðan að Morgan Schneiderlin sé kominn til Everton.
– STAÐFEST: Everton staðfesti einnig að Tom Cleverley sé farinn að láni til Watford.
– Skv. frétt á Sky og annarri á BBC er Tom Cleverley kominn í læknisskoðun hjá Watford vegna fyrirhugaðs láns til loka tímabils.
– Skv. frétt á Liverpool Echo er Everton á höttunum eftir táningnum George Hirst, sem er 17 ára sóknarmaður hugsaður fyrir U23 ára liðið.
– Og eins og Georg benti á í kommenti hér að neðan þá á Schneiderlin flestar tæklingar í deildinni síðan í ágúst 2012. Hér og hér og hér eru nokkur skemmtileg tíst tengd Schneiderlin.
– Skv. frétt á Sky er Hull við það að klára samning um lán á Oumar Niasse til loka tímabils.
11. janúar
– Skv. frétt á BBC er Everton að bjóða í alsírska framherjann Ishak Belfodil, eins og fram kom hér að neðan. Það sem er nýtt er að fréttamiðillinn er BBC og tilboðið nú sagt hljóða upp á 10.5M punda.
– NSNO segja að seinna tilboðinu í hann hafi nú verið tekið en hann ku hafa skorað 7 mörk í 16 leikjum með Standard Liege.
– Toffeeweb segja að Tom Cleverley gæti verið á leið til Watford að láni.
– Og Sky veltu fyrir sér hvað hefði farið úrskeiðis hjá Morgan Schneiderlin hjá United. Þar á bæ sögðu menn einnig að hann hefði mætt á Finch Farm æfingasvæðið í dag og klárað læknisskoðun.
10. janúar
– Mourinho virðist hafa vera að staðfesta rétt í þessu að Morgan Schneiderlin sé á leiðinni til Everton.
– Var tilboði í Franck Kessié hafnað? Erfitt að segja.
– BBC voru að greina frá því að Everton hefði náð samkomulagi um kaup á Morgan Schneiderlin fyrir 22M punda. Sky og Mogginn með sömu frétt núna.
– NSNO segja að Oumar Niasse sé farinn að láni til Hull og að lánssamningurinn kveði á um möguleg 10M punda kaup að samningi loknum.
– Toffeeweb segja að Everton sé ekki tilbúið að láta Clevereley eða McCarthy fara á láni.
– Lukaku hefur verið orðaður við Kína en er ekki áhugasamur, skv. ToffeeWeb.
– NSNO segja að Everton hafi boðið 8.5M punda í 24ra ára sóknarmann frá Alsír að nafni Ishak Belfodil sem leikur með Standard Liege.
9. janúar
– Sögusagnir um Gylfa gerast sífellt háværari…
– Sky Sports birtu frétt um það að Oumar Niasse væri á leið til Hull sem lánsmaður til loka tímabils, með möguleika á kaupum við enda lánssamnings.
– Kone mögulega til QPR, segja einhverjir miðlar nú.
– Eins og Elvar benti á hér að neðan þá birtu nokkrir miðlar fréttir (t.d. þessi) um að Schneiderlin hefði staðist læknisskoðun hjá Everton.
6. janúar
Sky Sports birtu tvær áhugaverðar fréttir í dag: Sú fyrri sagði að Everton væri í viðræðum við Roma um gríska miðvörðinn Kostas Manolas (25 ára) og sögðu að hann væri „considered one of the best centre-backs in Europe“. Hin fréttin var um viðræður Everton við United um Memphis Depay en Everton er sagt vilja fá hann að láni með möguleg kaup að því loknu en að United vilji selja strax.
5. janúar
– Koeman var spurður um framhaldið í dag í viðtali og sagði að við „gætum séð einn í viðbót [við Lookman], eða kannski tvo“.
– STAÐFEST: Everton staðfesti núna áðan kaupin á Ademola Lookman. Sjá nánar hér.
4. janúar
– Mirror birtu frétt í dag þar sem haldið er fram að Everton muni snúa sér að miðverðinum Ben Gibson hjá Middlesbrough, ef þeim tekst ekki að landa Virgil van Dijk frá Southampton. Ben Gibson er 22ja ára enskur unglingalandsliðsmaður sem getur leikið bæði sem miðvörður og vinstri bakvörður.
– Sky Sports birtu frétt í dag sem segir að Ademola Lookman sé mættur í læknisskoðun hjá Everton.
3. janúar
– Ekki nýtt svo sem — og hefur komið fram hér áður — en háværustu sögusagnirnar hafa verið um kaup Everton á Ademola Lookman (sjá vídeó).
– Sögusagnir um kaup á leikmanni eða leikmönnum frá United hafa verið nokkuð háværar einnig. Þar virðist Morgan Schneiderlin (sjá vídeó) fremstur í flokki (sjá frétt) en Memphis Depay og Chris Smalling einnig verið nefndir. Sumar fréttir segja að 19M punda tilboði Everton í Schneiderlin hafi verið hafnað en erfitt að segja hvað er rétt þar.
– Gerard Deulofeo hefur verið nefndur sem lánsmaður til AC Milan eða félaga á Frakklandi/Spáni. Sjáum hvað setur. Maður vonar alltaf að hann slái í gegn með Everton en hann er ungur (22ja) og kannski betra að hafa hann spilandi í öðru liði sem lánsmaður en sitjandi á bekknum eða ekki í hóp.
– Tom Cleverley hefur einnig verið nefndur sem lánsmaður á leið til Newcastle.
2. janúar
STAÐFEST: Connor Grant var lánaður til Doncaster til loka tímabils. Þessi 22ja ára miðjumaður var hjá þeim á síðasta tímabili og lék 22 leiki með þeim. Alltaf gott að sjá ungliðana öðlast reynslu.
Finnur minn þessi er búinn að vera í fréttum víða siðastliðnar 3-4 vikur.
http://www.londonnewsonline.co.uk/14504/ademola-lookman-closes-charlton
Ég veit. Þetta kemur fram undir 3. janúar. Ég tók saman sterkustu sögusagnirnar og setti það undir 3. janúar (kannski mistök) því þá fór þessi grein í loftið. Ég nennti ekki að finna hvenær sögusagnirnar byrjuðu, enda það ekki aðalatriðið með dagsetningunum heldur að auðvelda ykkur að vita hvenær nýtt efni hefur bæst við.
En ég tók það líka skýrt fram að ekki væri um nýtt efni að ræða.
þetta er flott hjá þér Finnur
Vel gert hja ther Finnur.
Flott uppsetning Finnur og vel gert… takk 🙂
Völvuspá 2017: „Gylfi Þór Sigurðsson verður áfram skærasta stjarna íslenska boltans og Everton klárar dæmið sem því tókst ekki síðasta sumar og kaupir okkar mann á 30 milljónir punda.“
Þið lásuð það fyrst hér 🙂
Það væri gaman að fá Gylfa til Everton og láta hann þjónusta Lukaku sem færi þá að skora meira og reglulegra.
Viljum við eitthvað vera að hirða úrkast frá öðrum liðum? Hvað erum við búnir að taka við mörgum „útbrunnum“ leikmönnum frá Man U í gegnum tíðina? Nú býðst okkur til dæmis „samkvæmt orðrómi“ að fá Cris Smalling ef þeir ná Victor Lindelöf frá Porto. Kaupum bara þennan Lindelöf og ekkert kjaftæði!!
Sammála þér Gunni, algjört metnaðarleysi að kaupa alltaf brotajárn frá manutd. Geri reyndar undantekningu með Schneiderlin, mann sem Koeman þekkir. En 8 leikmenn hafa farið yfir til okkar frá djöflunum á sl. 20 árum og oftast verið meiðslapésar sem þeir hafa þurft að losna við. Undantekning ef þessir menn hafa gert eitthvað af viti s.s Kanchelskis og Saha, hitt er allt rusl 🙂
Það er svo gaman að vera sammála mönnum og auðvelt… en ég er sammála ykur GunniD og Diddi.
ég segi það sama og GunniD það er kominn tími á að við setjum markið hærra og hættum að fá úrkastið hjá MU.
Miðað við þær yfirlýsingar sem hafa verið gefnar þá er Everton ekki lengur á þeim stað að þurfa að skrapa saman meiðslapésum frá öðrum liðum eða mönnum sem eru komnir yfir hjallann. Auk þess sem varla er hægt að halda því fram að þau nöfn sem nefnd hafi verið séu einhver úrhrök og þetta eru menn sem eiga mörg ár eftir (27 ára eða yngri).
En spurningin sem við þurfum að spyrja okkur er:
Leikmaður sem kemst ekki í liðið hjá United (félagi sem hefur efni á að peppa upp samkeppnina í sínu liði með því að dæla fleiri hundruð milljónum í að kaupa bestu leikmenn annarra liða undanfarin tímabil)… er sá leikmaður alltaf verri en einhver annar leikmaður sem kemst í lið sem keppir í lakari deild en ensku Úrvalsdeildinni?
Svarið við því er klárlega nei.
Þetta snýst allt um verð, aldur leikmannsins og tölfræðina. Og svo náttúrulega hvort söluliðið sé tilbúið að missa leikmanninn. Þetta er ekkert mikið flóknara. Hvort sá leikmaður sem Walsh vill og uppfyllir kröfurnar sé á bekknum hjá United eða í byrjunarliði einhvers staðar annars staðar er aukaatriði. Bekkurinn hjá United er þó allavega með reynslu úr Úrvalsdeildinni (meiri áhætta að kaupa að utan).
Grunar samt að sögusagnirnar um United mennina séu ekki á rökum reistar. En sjáum til.
Eg. Spyr ef man utd er med somu markmid og Everton og getur ekki notad Sina menn getum vid nad betri arangri med thessa somu menn spyr sa Sem ekki veit.
Í þessu samhengi vil ég benda á að Chelsea gat ekki nota Lukaku en Everton getur notað hann vel og er talinn með betri framherjum heims.
það hlýtur að smita inní liðið að keyptir séu menn sem eru betri en þeir sem eru fyrir og það er líka spurning um að sýna öðrum liðum að við erum ekki hræætur !!! Howard var nothæfur en við hefðum getað fengið betri menn þá. Við höfum sökum peningaleysis verið pínulítið í því sama og maðurinn sem gaf konunni sinni 3 kg af svampi í jólagjöf vegna þess að hann fékk hann á svo góðu verði. Nú á þetta að hafa lagast og ég vil að það sé sýnt í verki 🙂
Howard var svosem nothæfur líka.
Sammala Gunni D.
Núna er orðið ljóst að Everton verður með nýjan sponsor á treyjum sínum á næstu leiktíð. Þar með er Chang logoið no more á búk treyjunni. Klúbburinn fær 300% meira fyrir nýja samninginn vs Chang. Ljóst að maður verður að fá sér nýja treyju þegar hún kemur fyrir næstu leiktíð.
Elvar.Hver verdur sponsorin ??????
í fréttinni var það ekki staðfest en líklegt að það verði veðmálafyrirtæki SportPesa frá Kenya, plús að það verður leyft að hafa annað fyrirtæki á ermum búninganna til að auka tekjur enn frekar 🙂
Allt á uppleið. ÁFRAM EVERTON
Schneiderlin og Depay eru ekki í náðinni hjá Man Utd, eða réttar sagt Mourinho. Það þarf ekki að þýða að þeir séu ekki nógu góðir. Schneiderlin var í lykilhlutverki hjá þeim í fyrra og var yfirleitt fyrsti maður á miðjuna. Schneiderlin spilaði meira en Herrera, Fellaini, Carrick í deildinni í fyrra. Hann var algjör lykilmaður í liði Southampton og þekkir Koeman hann vel og veit vel hvað hann getu.
Varðandi Depay þá er það klárlega leikmaður með mikla hæfileika. Hann sagði við Mourinho í haust að hann vildi fara og það er ástæða þess að hann hefur ekkert fengið að spila, Mourinho er bara þannig þjálfari að hann tekur menn úr liði og/eða hóp ef þeir gera eitthvað sem honum líkar ekki við.
Ef við fáum þá tvo þá mun ég fagna því, enda væru þeir klárlega að styrkja leikmannahópinn. Sama má segja um Smalling, hann var miðvörður númer 1 í fyrra, efast um að Mourinho vilji selja hann.
Varðandi Lookman þá er það klárlega leikmaður fyrir framtíðina, ekki viss að hann sé beint hugsaður til að koma inn með látum, en miðað við það sem ég hef séð af honum á Youtube þá er hellings bolti í þessum leikmanni og mjög hæfileikaríkur. Ég er alltaf til í unga og efnilega leikmenn.
Ég treysti Koeman og Welsh til að gera flotta hluti í þessum glugga, en næsti sumargluggi verður sá stærsti í sögu félagsins, ég er fullviss um það.
Blessadur Gestur eg treysti Koeman og Welsh mjog vel en Thad ma sammt alveg Velta thessu fyrir ser.
Já það má sko allt í lagi og ekki sama hvað leikmann er verið að spá í. Það er ekki sjálgefið að þeir passi í Everton.
Allt bendir til þess að Schneiderlin sé á leiðinni í Medical hjá Everton. Sáttur við það.
Usmanov, félagi Moshiri og núverandi hluthafi í Arsenal á fyrirtæki sem er sponsor fyrir Finsch Farm, mjög áhugavert í ljósi þess að margir telja að Usmanov muni hugsanlega verða meðgeinandi í Everton áður en langt um líður. Usmanov er víst fjandi ríkur dúddi. Hann er 58 ríkasti maður heims með 7 falt meiri eignir en Moshiri sem er í kringum sæti 1000 á heimslista Forbes.
Síðan er Everton talið vera að bjóða í Kostas Manolas varnarmann Roma, er allt að gerast eða bara endalaust slúður. Tveir menn inn í viðbót og ég er sáttur, fleiri og ég verð súper sáttur.
Þetta er alltaf happdrætti með leikmenn,sumir leikmenn henta þessum stjóra en ekki þessu liði og svo őfugt þetta snýst um að menn séu klókir í viðskiptum og fá leikmenn sem henta í þetta verkefni með þessa leikmenn í kringum sig og þeir funkeri í þessu liði og hópnum í kring. Eitt besta dæmið í dag er Victor moses hvernig þetta samspil milli stjóra leikmanns og liðs geta haft áhrif á leikmenn.
Nokkrir miðlar segja Schneiderlin hafa lokið medical hjá Everton og hafi sést á Finch Farm. Margir miðlar segja Everton vera að bjóða í Gylfa Sig líkt og þeir gerðu seinasta sumar. Munu líklega bjóða þá aðeins meira í kappann og hann hugsanlega aðeins líklegri þar að taka því sem Swansea er með ansi mikið niður um sig þessa stundina og líklega á leiðinni niður í næstu deild.
Væri til í bæði Schneiderlin og Gylfa til Everton.
Þar sem ég er á leiðinni á Liverpool-Chelsea 31 jan og Stoke-Everton 1 feb þá gæti nú farið svo að maður fái að bera nýjan leikmann augum í sínum fyrsta leik, ekki leiðinlegra af það væri Gylfi.
get ekki ímyndað mér neinn klúbb sem er leiðinlegra að halda með en Everton í leikmannagluggunum, hef reyndar aldrei prófað neitt annað 🙂
Mér sýnist þetta vera svipað hjá öllum Úrvalsdeildarliðum, ef marka má yfirlit moggans:
Bournemouth, City, Liverpool, Southampton, Tottenham, United, Watford og West Brom:
Öll með einn út og engan inn.
Arsenal: voru að kaupa einhvern úr 7. deildinni ensku. Fyrsti maður inn þar.
Burnley: Fengu Joey Barton (er það meira spennandi en Lookman? Ég get ekki sagt það.) 🙂
Chelsea: Fjórir út, enginn inn.
Crystal Palace: Tveir út, enginn inn.
Hull: Tveir út, Markus Henriksen inn (láni breytt í kaup).
Leicester: Wilfred Ndidi inn.
Middlesbrough: Rudy Gestede inn (9 mörk samtals yfir tvö tímabil fyrir Villa), þrír leikmenn út.
Stoke: Lee Grant frá Derby (varamarkvörður), einn út.
West Ham: Fjórir út, enginn inn.
Sunderland: Enginn inn, enginn út.
Hún getur verið þrúgandi biðin. En það er spennandi slúður í gangi og vonum það besta. Það gerist sennilega lítið fyrir á lokadeginum.
Sæll félagi.Nú hlýtur þú að vera sáttur.
Sælir félagar.
Mér finnst vanta í glugganum afgerandi leikmenn og þá í stöðu
markvarðar, hafsents, miðjumanns, kantmanns (H eða V) og svo einn backup framherja.
og svo má vissulega losa sig við marga leikmenn þarna. T.d. Gibson sem er líklega á hærri launum þarna en margir.
En ég er að fara til London ekki þessa helgi heldur næstu og það væri rosalega flott að ná 2 miðum á CP-Eve ef það væri hægt. Vitið þið hvernig maður fer að því að ná í miða?
Sendi þér prívat skilaboð varðandi miða…
Þetta er byrjað að gerast 🙂 snild liðið okkar á fullt af pening hversu mikl viðbrigði eru þetta miða við síðustu 20ár! í dag er ég frekar bjartsýnn evertonkall 🙂 hef reyndar alltaf verið það;-)
@OptaJoe:
772 – Morgan Schneiderlin has made more tackles and interceptions combined (772) than any other PL player since August 2012. Influence.
8:33 AM – 11 Jan 2017
Það verður svakalegt að hafa Gana og Schniderlin saman á miðjunni. Tveir af bestu djúpu miðjumönnum deildarinnar. Nú bíður maður bara eftir (staðfest!).
Allt að gerast, Schneiderlin að koma, Barkley kannski að fara, síðan yrði ánægjulegt að stela Payet fyrst hann neitar að spila meira fyrir West Ham
Vill alls ekki selja Barkley. Koeman og Barkley þurfa að setjast niður og ræða málin. Barkley hefur spilað undir getu hann þarf bara að viðurkenna það. Vill gera 5 ára samning við hann strax og Barkley þarf að taka meiri ábyrgð. Schneiderlin spilar allt aðra stöðu en Barkley. Schneiderlin og Gana eru góðir saman. Þurfum að kaupa góðan markvörð núna líka.
Þá er það staðfest. Morgan Schneiderlin er kominn til Everton. 4 og hálfs árs samningur 20m pund sem gæti hækkað upp í 24m pund.
http://www.evertonfc.com/news/2017/01/12/schneiderlin-signs-for-everton
Nú vantar okkur heimsklassa markmann,lið vinna ekki titla nema hafa einn slíkan. Ég væri til í Yann Sommer hjá Gladbach. Honum leiðist örugglega þar, ekkert að gerast. Hissa að sjá hann þar.
Ég er á svipaðri línu (þó ég þekki reyndar ekki Sommer). Ég er sáttur við framlag Stekelenburg og Robles á tímabilinu en ef ég gæti valið eina stöðu til að fylla með heimsklassa leikmanni þá held ég að það myndi skila mestum árangri hjá Everton ef sú staða væri markmannsstaðan. Ég horfi með öfundaraugum á De Gea — ekki bara í leikjum Everton gegn United, því þeir eiga ótrúlega mörg stig eingöngu honum að þakka.
Fyrst þú minnist á De Gea Finnur, þá manst þú kannski eftir EM undir 21 árs í Danmörku 2011 þar sem við Íslendingar tókum þátt og Gylfi okkar Sigurðsson kom fram. Þar var Sommer í marki Sviss og fékk ekki á sig mark fyrr en í úrslitaleiknum á móti De Gea og félögum, sem Spánverjar unnu 2-0.Ísland tapaði einmitt 2-0 fyrir Sviss fyrr í mótinu. Ég var í sumarfríi á meðan þessi keppni fór fram og horfði á held ég alla leikina, og hreifst mjög af þessum Sommer. Hann fannst mér miklu betri markvörður en De Gea í þessu móti, en hann hafði kannski bara miklu meira að gera. De Gea var eins og flestir vita keyptur til Man U eftir þetta mót en Sommer spilaði með Basel og átti stóran þátt í velgengni þeirra á næstu árum eftir þetta. Ég held að hann sé fyrsti kostur í svissneska landsliðinu í dag.
Skil þig. Man ekki eftir að hafa séð hann spila en hann hljómar vel af þessari lýsingu.
Er allt búið hjá Everton þennan gluggann?
Er ekki margt spenandi I farvatninu hja okkur nu I Januar Gestur.
Það var eitthvað svo lítið að frétta þegar ég skrifaði þetta en núna er boltinn byrjaður að rúlla aftur.
Vonandi ekki.
Það er ekki nóg að fá einn kjúkling og Schneiderlin.
Það vantar ennþá varnarmann, sóknarmann, markvörð og skapandi miðjumann sem gjarnan mætti heita Gylfi.
Ég hef það fyrir víst að Gylfi Arnbjörnsson sé liðtækur í boltanum…
😉
Ég var nú meira að hugsa um Sigurðsson 🙂
Miðað við sama tíma í fyrra þá hefur Everton bætt sig næst mest allra liða.
Aðeins Chelsea hefur bætt sig meira eða heil 25 stig, Everton bætt sig um 12 stig og önnur lið bætt sig um 8 stig eða minna.
Er ekki Koeman þá á réttri braut? Held að kaupin á Schneiderlin séu frábær kaup en Lookman svona meiri óvissa. Tel þó víst að Koeman sé ekki að borga 10 millur fyrir 19 ára gutta nema hann geti eitthvað.
Vil sjá tvo menn til viðbótar í vikunni.
Tel að Everton geti náð all mörgum stigum í næstu leikjum og pressað á liðin fyrir ofan okkur. En næst er það Stoke úti eftir rúma viku.
Koeman er klarlega a rettri leid med lidid er hann kaupir fleirri menn er bara bjart framundan.
Það hefur líka áhrif á leikmenn sem fyrir eru að það sé verið styrkja liðið og mér finnst menn aðeins líkari sjálfum sér í síðustu leikjum .
Er Moyes-arinn að taka til á Goodison?
frábærar fréttir http://www.liverpoolecho.co.uk/sport/football/football-news/mo-besic-close-everton-return-12507523
Sæll Diddi.Þetta eru góðar fréttir fyrir okkur ekki veitir okkur af í báráttuni um fjórða sætið.
Hvernig væri að henda í morata væri snilld held ég.
Ég er enn til í Yarmolenko, hann er hugsanlega falur.
Svo er Idrissa Gana kominn til baka en spurning hvernig Koeman stillir upp miðjunni sérstaklega. Vil að Schneiderlin byrji í stað Barry en annars óbreytt lið gegn Stoke á miðvikudaginn. Svo styttist í Besic líka.
Frammistaða ungliðanna í aðalliði Everton gæti gert það að verkum að Koeman kaupi ekki fleiri leikmenn nú í janúar. Þetta er að sögn haft eftir Koeman sjálfum.
Væri til í hann þá erum við orðnir með nokkuð þéttan hóp.
Gibson og Oviedo á leiðinni til Sunderland.
Ef það fer svo þá er ég viss um að Everton muni fá amk 1 leikmann fyrir lok gluggans til klúbbsins.
Vill þakka Moyes fyrir að taka Oviedo og Gibson og létta á buddunni fyrir okkur.
Þurfum þá hins vegar backup left back og væri til í að fá Galloway aftur til baka úr láni. Eigum líka Garbutt en hann komst ekki í byrjunarlið Fulham fyrir áramót og er því ekki nógu góður.
Svo sé ég á twitter að það séu viðræður í gangi varðandi Michael Keane frá Burnley. Veit samt ekki hvað er til í því.
Hefði verið til í að losa okkur við Kone og fá annan striker/winger inn.
Það er víst engin klausa í lánssamningnum um Galloway sem leyfir Everton að kalla hann aftur til liðs við sig…
http://www.bbc.com/sport/football/37159972
Er glugganum ekki lokað 31.jan.?
Gott kvold Gestur.Hann lokar kl 2300 a morgun.
Takk fyrir Orri, ég hélt það líka. Það er betra að missa ekki af öllu fjörinu . Það svo mikið að gerast.
ég er að hlusta á viðtalið við Koeman fyrir Stoke leikinn… mér finnst magnað og virkilega flott hvað hann er hreinskilinn varðandi Oviedo. Flott hjá honum að leyfa honum að fara finnst mér. Hann sagði að það hefði verið knattspyrnumaðurinn í sér sem fékk að ráða þegar skipti um skoðun og leyfði Oviedo að fara frá Everton.
Ég þakka Oviedo innilega fyrir veru sína hjá Everton og markið sem hann skoraði gegn Manchester united er mér ógleymanlegt. Farvel Oviedo og gangi þér vel í framtíðinni.
Kær kveðja, Ari. (ps. já ég veit að hann kann ekki að lesa Íslensku hehe)
Ég verð fyrir hálfgerðum vonbrigðum ef glugginn endar svona.
Gott kvold Gestur.verda ekki einhverjar godar frettir I lokin fyrir okkur.
Ég er farinn að efast en Kone virðist vera að fara. Everton verða fáliðaðir fram á vor
Saell Gestur.thad verda fair farthegar eftir.
Enda höfum við ekkert að gera með farþega þegar Everton U23 liðið er á bullandi siglingu…
https://www.premierleague.com/tables?team=U21
Flott tækifæri fyrir þá gutta til að stíga upp, líkt og Holgate, Davies og fleiri hafa gert.
En Everton má ekki vera of fáliðaðir í baráttunni við að komst í 6sæti. Eftir í Everton liðinu eru 18 menn 21árs og eldri og þá er talinn með Bolasie sem verður ekki með fyrr en 2018 og Besic sem hefur ekki spilað neitt á tímabilinu. Það er eins gott að þessum guttum sé treystandi.
Það hefur fækkað nokkuð í hópnum, vissulega. En Tom Davies, 18 ára gutti á miðjunni, var besti maður vallarins þegar Everton rassskellti City á heimavelli 4-0 á dögunum. Og ungliðinn Holgate er búinn að eiga mjög flotta innkomu í þriggja manna vörn og hefur ekki fengið mark á sig í ég-veit-ekki-hvað-mörgum leikjum. Fjórum? Fimm? Meira? Man það ekki.
Það sem mér finnst skipta mestu máli er að Koleman nái að endurnýja liðið, stilla saman strengina og gera alvöru atlögu að fjórða sætinu á næsta tímabili — eða hærra.
Sjötta sætið — þó það væri ágætt að keppa í Europa League — finnst mér það alltaf vera smá hindrun í að ná því markmiði.
En svo verður líka að horfa til þess að það eru ekki nema 16 leikir eftir af tímabilinu…
Þessir tveir guttar hafa staðið sig vel og komið flottir inn. Það er ekkert sjálfsagt að þegar ungliðar eru settir inn að þeir standi sig vel. Eins og Lukaku vildi að Everton mundi styrkja sig þá hélt ég og vonaði að það kæmi einhver sterkur inn en kannski var erfitt að fá sterka leikmenn inn þar sem þetta var einn daufasti gluggi í langan tíma. Nýji eigandinn að Everton á ennþá eftir að sanna fyrir mér að honum sé alvara með liðið, aldrei hefur verið lánað eins mikið af leikmönnum og hópurinn ekki verið eins þunnur lengi en það er vonandi fyrirboði um að næsti gluggi verði mikilvægur. Eins hafa verið lánaðir 10 unglingar úr hópnum sem er gott fyrir þá.
Það er bullandi barátta um 7.sætið og vonandi sleppum Everton við meiðsli. En 16 leikir eru nú næstum því helmingur af tímabilinu.
Góðir hlutir gerast hægt. Everton eyddi á bilinu 40-50M punda í síðasta glugga (sumar) og er komið yfir 30M punda í þessum glugga — ásamt því að losa sig við leikmenn af launaskrá sem töluvert er búið að kvarta yfir, sbr. Gibson og Cleverley — og nú verið að tala um að Kone sé á leið burt.
Ég á ekki von á að mikið gerist fyrir lok gluggans, sérstaklega vegna þess að liðin eru öll að halda að sér höndum og það þarf oft einhver að taka af skarið og selja til að snjóboltinn fari að rúlla. Manni sýnist það ekki vera að gerast í þetta skiptið. En, aldrei að vita. Kæmi mér ekkert á óvart þó annar ungliði verði keyptur og ekkert meira — skýt á markvörðinn Aaron Ramsdale.
Mér finnst þetta flottur gluggi þó aðég hafi veirð að vonast eftir Yarmolenko… hehe
En mér leilddist að sjá Oviedo fara því hann er bæði góður drengur (held ég) og góður leikmaður.
Koeman útskýrði þessi vistaskipti mjög vel að mínu mati og mér fannst þetta virkilega flott og vel gert hjá Koeman hvernighann kom fram við Oviedo í þessu máli.
Hann hefði vel getað haldið honum lengur hjá félaginu en vildi leyfa leikmanninum að fara því hann er ennþá það góður að hann geti átt farsælan feril án þess að sitja endalaust á bekknum.
ps. finnur takk innilega fyrir allt sem þú hefur verið að gera á síðunni og halda henni svona lifandi. Það er gaman að koma inn á þessa síðu og vonandi fyrirgefur þú mér fýluna út í þig um daginn hérna… en mig langaði bara að segja mína skoðun… eins og við eigum að gera, alltaf. enda þetta vettvangur til þess 😉
Kær kveðja, Ari
Ekkert mál, Ari. Allt í góðu. 🙂
En fyrst ég er með orðið þá gáfu Sky Sports klúbbunum einkunn og Everton var þar með næst-hæstu einkunnina en allir klúbbarnir fyrir ofan okkur virðast hafa gleymt að lesa fyrir prófið…
http://www.skysports.com/football/news/11671/10750426/charlie-nicholas-january-transfer-window-grades-premier-league-clubs-rated
ToffeeWeb tóku svo afrakstur gluggans saman og spáðu aðeins í spilinn:
http://toffeeweb.com/season/16-17/comment/editorial/34402.html
🙂
Af hverju eru menn alltaf að tala um 6 sætið. Everton á að halda áfram á sinni braut og aldrei að vita að 4 sætið náist með smá heppni ef hin liðin klikka meira fyrir ofan. Ég er alveg sáttur að lána leikmenn út til að öðlast reynslu enginn tilgangur að láta þá hanga á bekknum. Hef engar áhyggjur þótt eldri hópurinn sé ekki stór bara betra nema Lukaku má ekki meiðast eina sem ég hef áhyggjur af. MaCarthy er frábær leikmaður en ég skil ef hann vill fara í sumar en gott að hafa hann til vara í vetur.
Godan dag Ari G.Eg er sammala vid eigum stefna 4 saetid og ekkert annad Thad er alveg rauhaeft.
Það er nú bara afþví að sjötta sætið er næsta sæti sem við þurfum að ná og auðvitað viljum við keppa um fjórða en það er aðeins lengra í burtu. En auðvitað verður ekki eins mikið power á bekknum og þetta verður erfiðara.
Sælir félagar.Þá er febrúar genginn í garð eftir frábæran janúarmánuð. 4 leikir á dagskrá sem gætu allir unnist. Leikurinn í kvöld er klárlega erfiðastur af þeim. Hér hafa menn spáð í hugsanlegt lokasæti í vor og sjá 6. sætið í hillingum. Fyrir aðeins þremur vikum voru 9 stig í 6. sætið , en eftir kvöldið í kvöld verða kannski bara 8 stig í 2. sætið. Eigum við ekki bara að vera bjartsýnir á að við tökum 12 stig í febrúar og tökum stöðuna á töflunni þá? Ég er allavega til. ÁFRAM EVERTON.
Sammála mikið eftir af þessu móti tökum 9 stig í næstu 3 leikjum og sjáum til eins og Gunni segir.