Burnley – Everton

Mynd: Everton FC.

Í 18. umferð mætir Everton í heimsókn á Turf Moor leikvanginn til að mæta Burnley. David Moyes sagði fyrir leikinn að hann byggist við því að hópurinn væri óbreyttur frá síðasta leik, sem þýðir að Dewsbury-Hall missir einnig af þessum leik, sem og Branthwaite og Seamus Coleman, en Gana og Ndiaye eru frá vegna Afríkukeppninnar. Það kom hins vegar í ljós að Grealish væri ekki partur af hóp í dag vegna veikinda, þannig að Dibling kemur inn í byrjunarliðið fyrir hann.

Hjá Burnley var beðið eftir fréttum af Maxime Esteve, sem hefur verið lykilmaður í vörn Burnley, en hann reyndist ekki nægilega góður af meiðslum fyrir þennan leik. Auk þess eru þrír leikmenn frá vegna Afríkukeppninnar: Axel Tuanzebe (annar miðvörður), Lyle Foster (sóknarmaður) og Hannibal Mejbri (miðjumaður).

Burnley eru eins og stendur í næst-neðsta sæti deildar með 11 stig en þeir náðu jafntefli í síðasta leik, sem endaði þar með sjö leikja taphrinu hjá þeim.

Uppstillingin: Pickford, Mykolenko, Keane, Tarkowski (fyrirliði), O’Brien, Iroegbunam, Garner, McNeil, Alcaraz, Dibling, Beto.

Varamenn: Travers, King, Aznou, Patterson, Welch, Campbell, Röhl, Barry.

Það má glögglega sjá á varamannabekknum að hópurinn hjá Everton er orðinn ansi þunnur, en á bekknum eru tveir markverðir, tveir kjúklingar, og að auki eitt autt sæti. Röhl og Barry þeir einu sem hafa fengið einhverjar mínútur á tímabilinu.

Ritari er frá vegna anna í þessum leik en verið er að leita að eftirmanni til að skrifa skýrsluna.

Skýrslan kemur því vonandi síðar. Endilega látið í ykkur heyra í kommentakerfinu!