Félagaskiptaglugginn – sumar 2023

Mynd: Everton FC.

Félagaskiptaglugginn á Englandi er til kl. 22:00 þann 1. september (eða þar um bil) og er þessum þræði ætlaði að halda utan um staðfest kaup og sölur sem og slúður, ef þið rekist á eitthvað. Endilega hafið samband í kommentakerfinu ef eitthvað vantar í upptalninguna.

Afraksturinn hingað til:

Leikmenn inn: Beto (Udinese – £25.75m), Jack Harrison (lán – Leeds), Youssef Chermiti (Sporting – 15M ), Arnaut Danjuma (lán – Villareal), Ashley Young (frítt).

Leikmenn út: Demarai Gray (Al-Ettifaq – 10M), Alex Iwobi (Fulham – 22M), Tom Cannon (Leicester – ótilgreind upphæð), Jean-Phillipe Gbamin (samningi rift), Neal Maupay (lán – Brentford), Mason Holgate (lán – Southampton), Reece Welch (lán – Forest Green), Stanley Mills (lán – Oxford), Lewis Warrington (lán – Plymouth), Ishé Samuels-Smith (ótilgreind upphæð – Chelsea), Ellis Simms (ótilgreind upphæð – Coventry), Lewis Gibson (samningslok), Tom Davies (samningslok), Niels Nkounkou (ótilgreind upphæð – St Etienne), Conor Coady (lánslok), Ruben Vinagre (lánslok), Yerry Mina (samningslok), Andros Townsend (samningslok), Asmir Begovic (samningslok), Isaac Price (samningslok).

2023-09-07 Fim – Everton staðfesti í dag sölu á Demarai Gray til Al-Ettifaq. Verðið var ekki gefið upp en Sky Sports sögðu að það hafi verið 10M punda og að Everton fái hlut af söluverði ef Al-Ettifaq selja hann í framtíðinni. Félagaskiptaglugginn lokar í Saudi-Arabíu annars í dag en ekki er búist við fleiri brottförum þangað. Everton hefur hins vegar (hvenær sem er) rétt á að gera samninga við samningslausa menn og það kæmi svo sem ekki á óvart þó að það yrði raunin. Við uppfærum þessa frétt ef við heyrum eitthvað.

2023-09-02 Lau – Alan Myers sagði í tísti í morgun að Demarai Gray myndi vera áfram hjá Everton, þrátt fyrir tilboð frá klúbbi í Saudi-Arabíu.

00:12 – Látum þetta nægja í bili. Góða nótt.
00:10 – Salan á Alex Iwobi er staðfest á vefsíðu Everton. Kaupverð var ekki gefið upp.
00:05 – Skv. gluggavakt BBC þá er salan á Alex Iwobi gengin í gegn.
23:00 – Skv. gluggavakt Sky Sports og BBC var Tom Cannon seldur til Leicester.
22:31 – Skv. gluggavakt Sky Sports og BBC var samningi Jean-Phillipe Gbamin rift. Hann er því ekki lengur leikmaður Everton.
22:20 – Everton hefur staðfest brottför Neal Maupay á láni til Brentford (út tímabilið).
22:16 – Nei, eitt í viðbót — Lánið á Neal Maupay til Brentford er staðfest, skv. gluggavakt BBC.
22:14 – Skv. gluggavakt Sky Sports eru félagaskipti Alex Iwobi til Fulham enn í vinnslu. Það eru einu viðskipti Everton sem eftir eru, sýnist mér.
22:08 – Mér sýnist sem gluggavakt Sky Sport sé að segja að samningsdrög hafi borist fyrir Alex Iwobi fyrir lok gluggans. Annað er þá líklega óstaðfest…
22:00 – Félagaskiptaglugginn á Englandi er lokaður, fyrir utan uppbótartímann. Sjáum hvað setur.
19:10 – Félagaskiptagluggarnir á Ítalíu og Frakklandi eru nú lokaðir. Innan við klukkutími til stefnu á Englandi (plús uppbótartími).
18:55 – BBC segir nú að ekki sé útlit fyrir að fleiri leikmenn séu á leið inn um dyrnar á Finch Farm í dag. Spurning hvort það sé rétt…
14:20 – Nú birtist það á BBC að Everton sé enn að reyna að næla sér í Wilfried Gnonto (gluggavakt BBC).
13:17 – Neal Maupay er að fara á láni til Brentford (gluggavakt Sky).
11:44 – Hmmm… var að fatta: það hefur ekkert heyrst í dag af mögulegum félagaskiptum Demarai Gray…
11:21 – BBC tala um að um sé að ræða allt að 22M punda fyrir Alex Iwobi (gluggavakt BBC).
11:19 – Salan á Tom Cannon er um það bil að ganga í gegn (gluggavakt Sky).
10:56 – Salan á Alex Iwobi komin sem frétt á BBC.
10:01 – Verðmiðinn á Jean-Philippe Gbamin var gerður opinber: 5M punda (gluggavakt BBC).
09:53 – Alex Iwobi er í læknisskoðun hjá Fulham (gluggavakt Sky).
09:12 – Fulham eru að kaupa Alex Iwobi á 22M punda + mögulegar viðbætur (gluggavakt Sky).
08:43 – Leicester City eru að kaupa ungliðann Tom Cannon á 7.5M punda (gluggavakt Sky).
08:25 – Everton er enn að vinna í að fá Wilfried Gnonto til liðs við sig (gluggavakt Sky).
2023-08-31 Fös – Síðasti dagur félagaskiptagluggans er í dag en hann er opinn til kl. 22 að íslenskum tíma á morgun. Félögin hafa svo klukkutíma eftir það til að klára samninga ef drög að samningum berast enska knattspyrnusambandinu fyrir lokun.

14:16 – Á BBC vefnum kom fram að Sean Dyche staðfesti í viðtali fyrr í dag að verið væri að skoða sölu á Alex Iwobi.
14:07 – Gluggavakt Sky Sports segir nú að Fulham séu við það að ná samningum um kaup á Alex Iwobi og að leikmaðurinn muni í kjölfarið fara til London í læknisskoðun. Hann á eitt ár eftir af samningi sínum og hefur gefið til kynna að hann vilji ekki framlengja.
12:05 – Samkvæmt gluggavakt Sky Sports er Everton að reyna að fá til liðs við sig kantmannin Maxwel Cornet hjá West Ham. Það mun hins vegar eingöngu ganga í gegn ef West Ham menn ná að fylla í skarðið.
2023-08-29 Mið – Skv. gluggavakt Sky Sports hefur Norwich boðið Everton 7M punda fyrir ungliðann Tom Cannon. Hann mun áhugasamur um að fara þangað en ekki er vitað hverju Everton hefur svarað.
2023-08-29 Þri – STAÐFEST! Beto er orðinn leikmaður Everton! Hann skrifaði undir 4ra ára samning við Everton, eða til júní 2027. Hann er fimmti maðurinn sem Everton fær til liðs við sig í glugganum.
2023-08-29 Þri – Skv. gluggavakt Sky eru 25.8M punda kaup Everton á sóknarmanninum Beto frá Udinese á lokametrunum, sem þýðir að ólíklegt er að kaupin á Che Adams gangi í gegn og spurning hvort Neal Maupay fari nú að hugsa sér til hreyfings. Einnig var rætt um að Fulham hefði áhuga á að kaupa Alex Iwobi, en hann er nú á loka-ári síns samnings við Everton. Aðeins örfáir dagar eftir af glugganum.
2023-08-26 Lau – Skv. gluggavakt Sky Sports er sóknarmaðurinn Beto á leið í læknisskoðun hjá Everton eftir að samningar náðust við Udinese um kaup á leikmanninum. Kaupverð var sagt vera 30M Evrur.
2023-08-25 Fös – Everton staðfesti brottför Mason Holgate til Southampton á láni til loka tímabils. Líklegt þykir að þetta sé skref í áttina að sölu. Einnig kom fram á gluggavakt Sky Sports nálgast Beto nú Everton óðfluga.
2023-08-25 Fös – Skv. gluggavakt Sky Sports er Mason Holgate á leið í læknisskoðun hjá Southampton, með það fyrir augum að lána hann til loka tímabils. Í öðrum fréttum er það helst að glugginn lokar eftir viku, nánar tiltekið kl. 22:00 að íslenskum tíma, þann 1. september.
2023-08-23 Mið – Skv. gluggavakt Sky Sports er Everton í viðræðum við Udinese um kaup á sóknarmanni þeirra og portúgalska landsliðsmanninum, Beto (25 ára), en hann hefur skorað 21 mark í 61um leik fyrir þá.
2023-08-21 Mán – Ýmislegt að finna á gluggavakt Sky Sports í dag. Klukkan 6:30 í morgun bárust fréttir af því að Everton hefði boðið 15M punda í Che Adams hjá Southampton. Klukkan níu í morgun bárust svo fréttir af tilboði frá Al Shabab, frá Saudi Arabíu, í Demerai Gray, sem myndi þó ekki fara í gegn nema Everton finni annan mann í staðinn fyrir hann. Stuttu síðar bárust fréttir af því að Everton væri að skoða kaup á 27 ára gömlum sóknarmanni, Mama Balde, frá franska liðinu Troyes, sem ku vera falur fyrir aðeins 6.9M punda. Um hádegisbilið kom svo tilkynning um að Demerai Gray hafi ekki hafið samningaviðræður við félagið frá Saudi-Arabíu þó kauptilboðið hafi verið samþykkt.
2023-08-14 Mán – Everton staðfesti í dag lánssamning við kantmanninn Jack Harrison (26 ára) hjá Leeds. Jack var einn af ljósu punktunum í liði þeirra á síðasta tímabili og hefur verið fastamaður með þeim undanfarin þrjú tímabil — og skorað 24 mörk á því tímabili í öllum keppnum (skv. Wikipediu), þar af 21 mark og 16 stoðsendingar í 107 Úrvalsdeildarleikjum, skv. Liverpool Echo. Hann er örvfættur en getur spilað á báðum köntum, sem og í „holunni“ fyrir aftan fremsta mann. Þess ber að geta að hann er að glíma við minniháttar meiðsli á mjöðm, sem þýðir að hann þarf einhverjar vikur áður en við sjáum hann á velli.
2023-08-13 Sun – Skv. gluggavakt Sky Sports er Everton að fara að virkja fall-klásúlu í samningi Jack Harrison, en hann er 26 ára kantmaður hjá Leeds. Talað var um lán til loka tímabils og kaup að því loknu, en stuttu síðar var rætt um að Aston Villa hefðu í hyggju að stíga inn og grípa hann áður en hann fer til Everton. Svo birtist frétt á Sky Sports um að Aston Villa væru hættir við og að Everton sé að leita eftir láni til loka tímabilsins með möguleg kaup í huga eftir tímabilið.
2023-08-11 Fös – Everton staðfesti í dag kaup á framherjann Youssef Chermiti frá Sporting. Kaupverðið var ekki gefið upp.
2023-08-10 Fim – Everton staðfesti í dag brottför ungliðans Reece Welch á láni til Forest Green til loka tímabils.
2023-08-09 Mið – Skv. gluggavakt Sky Sports hefur Everton áhuga á sóknarmanninum Hugo Ekitike (21 árs) hjá PSG og eru að fylgjast með framgangi hans mála þar. Klukkutíma síðar birtist þar svo frétt um að Everton sé búið að gera þeim tilboð, án þess að tilgreina það nánar. Sjáum hvað setur.
2023-08-08 Þri. – Skv. gluggavakt Sky Sports er Everton á höttunum eftir sóknarmanni Leicester, Patson Daka (24ra ára) en hann er landsliðsmaður Sambíu. Hann hefur skorað 12 mörk í 35 leikjum fyrir landsliðið, 54 mörk í 82 leikjum fyrir RB Salzburb og 9 mörk í 54 leikjum fyrir Leicester.
2023-08-06 Sun – Gluggavakt Sky segir núna að læknisskoðun Youssef Chermiti fari fram á mánudaginn og að kaupverð sé 15M punda.
2023-08-05 Lau – Skv. gluggavakt Sky Sports hefur Everton náð samning við Sporting um kaup á sóknarmanninum Youssef Chermiti (19 ára). Hann mun fara í læknisskoðun á næstu dögum.
2023-07-31 Mán – Skv. gluggavakt Sky Sports er Everton búið að gera munnlegan samning við Fulham um kaup þeirra síðarnefndu á Demerai Gray, en ekki áður en Everton nær að finna eftirmann í sumarglugganum. Það fylgdi fréttinni að Everton keypti Gray á innan við 2M punda á sínum tíma (eins og við vitum) og því væntanlega um einhvern verulegan hagnað að ræða á þeim kaupum.
2023-07-31 Mán – Skv. frétt á BBC er Everton búið að ná samningi við Sporting um kaup á sóknarmanninum Youssef Chermiti en hann er aðeins 19 ára, stór og stæðilegur (192 cm) portúgalskur unglingaliðslandsliðsmaður. Hann skoraði 9 mörk í 16 leikjum með U18 og U19 ára liði Portúgal og fékk í kjölfarið séns með aðalliði Sporting og skoraði með þeim þrjú mörk í 16 leikjum. Hér er smá teaser og þess má auk þess geta að Everton spilar æfingaleik við Sporting á laugardaginn.
2023-07-27 Fim – Everton staðfesti í dag að miðju/kantmaðurinn Stanley Mills (19 ára), sem var markahæstur með U21 árs liði Everton á síðasta tímabili, hefði verið lánaður út til Oxford.
2023-07-26 Mið – Everton staðfesti í dag að miðjumaðurinn Lewis Warrington úr U21 árs liði Everton hefði farið til Plymouth á láni til loka tímabils.
2023-07-23 Sun – Everton staðfesti í dag að hollenski landsliðsmaðurinn Arnaut Danjuma hefði staðist læknisskoðun og væri orðinn leikmaður Everton, til loka komandi tímabils allavega. Hann er 26 ára með reynslu úr Úrvalsdeildinni (eftir veru hjá bæði Bournemouth og Tottenham) og þykir fjölhæfur sóknarmaður en hann hefur spilað bæði í stöðu fremsta manns og sem kantmaður. Hann fær treyju númer 10. Ekkert var rætt um hvort klásúla væri í lánssamningnum við Villareal um að Everton geti/þurfi að kaupa leikmanninn að láni loknu.
2023-07-22 Lau – Skv. gluggavakt Sky Sports kláraði Arnaut Danjuma læknisskoðun á Finch Farm í dag og verður líklega tilkynntur sem nýr leikmaður á næsta sólarhring.
2023-07-20 Fim – Skv. gluggavakt Sky Sports náðust samningar milli Everton og Villareal um sóknarmanninn Arnaut Danjuma (26 ára). Um lán væri að ræða til loka tímabils, lánsféð næmi 3.5M punda en Arnaut mun, að sögn Sky Sports, fara í læknisskoðun í dag á laugardaginn. Á gluggavaktinni kom einnig fram að Everton hefði sett sig í samband við Ajax vegna sóknarmannsins Brian Brobbey (21s árs). Aðeins sé þó um þreyfingar að ræða þar.
2023-07-13 Fim – Everton tilkynnti um samning við varnarmanninn reynda, Ashley Young (38 ára), en hann var samningslaus eftir veru sína hjá Aston Villa. Samningurinn er til eins árs. Þess má einnig geta að skv. frétt á BBC kom einnig fram að Everton hefði gert tilboð í Anthony Elanga hjá Manchester United. 2023-07-10 Mán – Skv. frétt á BBC er Everton í samningaviðræðum við fyrrum leikmann Aston Villa, Ashley Young (38 ára) en hann er í augnablikinu samningslaus. Sky Sports birtu einnig frétt um hið sama og tóku fram að samningurinn á borðinu væri til eins árs með möguleika á að framlengja um eitt ár.
2023-07-09 Sun – Everton tilkynnti um 2ja ára framlengingu á samningi við markvörðinn Joao Virginia (23ja ára) til júníloka árið 2025 en honum er ætlað að fylla í skarð Asimirs Begovic sem kominn var að samningslokum. Í öðrum fréttum þá styttist í fyrsta vináttuleikinn á undirbúningstímabilinu en Everton spilar við FC Stade Nyonnais, á þeirra heimavelli, eftir aðeins 5 daga (14. júlí). Erum við ekki öll búin að panta áskrift? Og já, við erum búin að vera í smá sumarfríi frá þessum þræði hér á everton.is, en nú verður smá breyting þar á. 🙂
2023-07-08 Lau – Everton staðfesti sölu ungliðans og vinstri bakvarðarins Ishé Samuels-Smith (17 ára) til Chelsea. Kaupverðið var ekki gefið upp en í fréttinni var sagt að um „significant compensation fee“ væri að ræða. Fréttamiðlar hafa hins vegar sagt að kaupverðið nái allt að fjórum milljónum punda fyrir Ishé, sem er ágætis verð fyrir 17 ára gutta en hann hefur verið hjá félaginu frá 9 ára aldri og náð á bekkinn einu sinni með aðalliðinu, gegn Fulham.
2023-07-08 Lau – Everton staðfesti að hafa framlengt samning við Seamus Coleman um eitt ár, sem verður þá hans 15. tímabil með félaginu.
2023-07-07 Fös – Everton staðfesti að hafa selt ungliðann og framherjann Ellis Simms (22ja) til Coventry, en hann var hjá félaginu frá 16 ára aldri. Hann náði 12 leikjum með aðalliði Everton og skoraði eitt mark, mikilvægt og minnisstætt mark gegn Chelsea undir lok seinasta tímabils. Kaupverðið var ekki gefið upp en rætt hefur verið um 8M (að ákveðnum skilyrðum uppfylltum örugglega).
2023-07-06 Fim – Skv. frétt á Liverpool Echo samþykkti markvörðurinn Andy Longergan (39 ára) framlengingu á samningi sínum við Everton um eitt ár, eða til júníloka 2024.
2023-07-03 Mán – Skv. frétt á Toffeeweb fór varnarmaðurinn ungi, Lewis Gibson (22ja), til Plymouth Argyle eftir að samningur hans við Everton rann út.
2023-06-22 Fim – Everton staðfesti í dag brottför Tom Davies.
2023-06-09 Fös – Everton birti frétt þar sem ýmislegt kom fram varðandi samninga leikmanna. Til dæmis var Tom Davies, Seamus Coleman og Andy Lonergan boðið að framlengja samning sinn hjá félaginu en Yerry Mina, Andros Townsend og Asmir Begovic munu leita á önnur mið. Jafnframt virkjaði félagið klásúlu í samningi Abdoulaye Doucouré sem framlengir dvöl hans allavega um eitt ár í viðbót. Það er smá eftirsjá af Yerry Mina, verð ég að viðurkenna, en það er ekki hægt að líta framhjá því að hann var einn af launahæstu leikmönnnum félagsins (100þ pund per viku), en náði ekki að spila meira en 7 leiki á öllu tímabilinu. Begovic og Townsend spiluðu hins vegar engan leik á síðasta tímabili.

Við munum uppfæra þessa frétt þegar meira er vitað (bæta efst í upptalningunni). Endilega látið vita ef þið heyrið eitthvað.