Everton vs Huddersfield

Everton tekur á móti Huddersfield á morgun laugardag kl 15:00 á Goodison Park.

Þetta verður fyrsti leikur Sam Allardyce sem stjóri Everton. Eins og flestir ættu að vita þá var Sam Allardyce í stúkunni í síðasta leik þegar liðið vann West Ham 4-0 með glæsilegri þrennu Rooney.

Helstu fréttir fyrir leikinn eru að Oumar Niasse og Michael Keane munu koma aftur inn í hópinn. Niasse var að klára 2ja leikja bann eftir að hafa verið fyrsti leikmaðurinn sem er dæmdur í leikbann vegna dýfu en Keane meiddist hinsvegar í leiknum gegn Southampton síðustu helgi og var fjarverandi gegn West Ham.

Mikilvægt að fá þessa 2 leikmenn aftur inn í hópinn. Það var enginn varnarmaður á bekknum í síðasta leik og því mikilvægt að fá Keane inn og svo er Niasse búinn að vera einn af fáu ljósu punktum síðustu vikna bæði í markaskorun og vinnuframlagi.

Baines er ennþá frá vegna meiðslanna sem hann varð fyrir í leiknum gegnum Southampton og aðrir eru áfram á meiðslalista.

Birtum byrjunarliðið á everton.is tæpum klukkutíma fyrir leik.