Mynd: Everton FC.
Meistari Ari S hefur tekið að sér að skrifa upphitanir fyrir Evrópuleikina undanfarið og nú er komið að þriðja leiknum í riðlinum. Við gefum Ara orðið:
Á fimmtudaginn 23. október 2014 mætir Everton franska knattspyrnufélaginu Lille Olympique Sporting Club eða LOSC Lille (Lille eins og það er í daglegu tali nefnt).
Lógó fótboltafélagsins Lille
Félagið var stofnað 23. september 1944 við sameiningu tveggja félaga: Olympique Lillois og SC Fives en Olympique Lillois voru fyrstu frönsku meistararnir árið 1933. Lille léku á Stade Lille-Metropole allt til ársins 2012 þegar þeir fluttu á nýjan völl sem kallast Grand Stade Lille Métrópole (Stade Pierre-Mauroy) sem er þeirra heimavöllur í dag. Urðu þeir franskir meistarar árin 1946, 1954 og unnu tvöfalt árið 2011 og nú, 23. október 2014, rétt rúmum 70 árum frá stofnun taka þeir á móti Everton í Evrópudeildinni á sínum heimavelli. Lille voru í efsta styrkleikaflokki þegar dregið var í Europa League riðlunum og því um hörkuleik að ræða sem gefur sigurliðinu væntanlega byr undir báða vængi.
Grand Stade Lille Métrópole
Lille eru með nokkra landsliðsmenn í sínum röðum. Divok Origi (Belgíu) leikur með þeim sem lánsmaður frá Liverpool og danski landsliðsmaðurinn Simon Kjær (sjá hér að neðan) leikur sem miðvörður en hann var árið 2009 valinn efnilegasti leikmaðurinn í Danmörku og hefur í dag leikið 40 landsleiki með Dönum. Lille eru annars með mjög gott lið en miðjumaðurinn og landsliðsmaður Frakklands, Rio Mavuba, er fyrirliði þeirra.
Simon Kjær, leikmaður Lille
Coleman, Barkley og McCarthy hafa allir verið meiddir eða tæpir að undanförnu en það var mjög gaman að sjá þá taka þátt í leiknum á móti Aston Villa og líka að Alcaraz, sem fékk byrjunarliðsleik, var að standa sig ágætlega. Pienaar byrjaði á bekknum en kom inn á gegn Aston Villa og ekki ólíklegt að hann spili á móti Lille.
Everton hefur ekki byrjað tímabilið vel í deild en þeir hafa byrjað Evrópukeppnina mjög vel og eru sem stendur í efsta sæti riðils síns (sjá töflu hér að neðan) eftir góðan sigur á Wolfsburg og sterkt jafntefli á útivelli gegn Krasnodar.
Nú er þó komið að Lille og ein möguleg uppstilling gæti verið svona: Howard, Baines, Jagielka, Distin, Coleman, Gibson, McCarthy, Osman, Atsu, Barkley og Lukaku. Annars læt ég Martinez um þetta 🙂
Þökkum Ara kærlega fyrir skemmtilega umfjöllum og rétt að benda einnig á greiningu Executioner’s Bong um Lille fyrir þau ykkar sem vilja lesa meira um liðið.
Í öðrum fréttum er það helst að James McCarthy var valinn leikmaður september mánaðar en hann spilaði alla þá leiki og hjálpaði liðinu að vinna WBA og Wolfsburg og ná stigi á Anfield.
Einnig er rétt að benda á mjög svo stutta en skemmtilega grein um tölfræði Leigton Baines.
Af ungliðunum er það að frétta að U18 ára liðið vann Newcastle á útivelli 1-4 sem er fimmti sigur þeirra í röð. Einnig var U21 árs markvörður Everton, Connor Hunt, lánaður til Chesterfield í einn mánuð.
Við skulum vona að við sjáum marga Everton fans þarna ég sá að það kostaði 75 pund að fara á leikinn rúta fram og til baka ein nótt í gistingu og miðinn á völlinn. ca 15.000 kr ég er viss um að við færum allir.
Ég væri góður ef liðið næði stigi þarna en þegar kemur að keppnisleikjum Everton þá vil ég alltaf sigur ég spái 1-2 og Eto’o og McGeady verða með mörkin.
ég held að við töpum 2-1 🙂
flott upphitun. Ég held að Distin sé ekki að fara að byrja leiki á næstunni, hann var ekki einusinna á bekknum í síðasta leik. Ég veit ekki með Barkley, hvort Martinez þorir eða tímir að nota hann,
svona nýkomin úr meiðslum. Jafntefli væru fín úrslit fyrir Everton.
Hvað er að frétta Koné, er hann kominn á meiðslalistann aftur?
Ég hef ekki heyrt af því að Kone sé meiddur. Hann náði á bekkinn í deildarbikarnum gegn Swansea en þar sem Martinez hefur yfirleitt alltaf bara einn sóknarmann á bekknum þá metur hann það greinilega svo að Eto’o sé hærra í goggunarröðinni en Kone. Kone er náttúrulega búinn að vera frá það lengi að það hefði kannski komið á óvart ef Eto’o hefði orðið undir í þeirri samkeppni, enda hefur Eto’o komið með ágætis innspýtingu í leikina þegar honum er skipt inn á í lokin.
Og, þar sem ég rakst á þetta…
http://www.evertonfc.com/news/2014/10/22/blues-depart-for-lille
Þetta svarar nokkrum spurningum varðandi hópinn sem mætir Lille á morgun. Ross Barkley, Seamus Coleman og James McCarthy flugu til dæmis út en Steven Naismith, Leon Osman, Bryan Oviedo og Arouna Kone voru ekki í vélinni — ekki frekar en Kevin Mirallas og John Stones en sérstaklega var tilgreint að báðir séu meiddir (og gefur því væntanlega til kynna að allir hinir séu heilir).
samkvæmt physioroom.com er hann meiddur á hné og er nýkominn aftur þar inn. Það er rétt að Eto´o hefur staðið sig vel.
Þetta verður því miður 1-0 barningur með sjálfsmarki Howard.
EN HEY, í opinni á Stöð2 sport. 🙂
Nú skulum við hætta allri svartsýni.Þessi leikur fer 3-1 fyrir Everton.
Diddi flottur það er lukka í þessu.
ef þetta dugar til að vinna 3 – 0 þá tel ég þetta bara fínt, ha, ha, 🙂
Orri er með þetta… 3-1 sigur.
burt’með – alla……. – brandara -kalla…….
sem hald’að spá eins og bjáni sé lukka… haha 😉
Howard þarf ekki nema að sýna helminginn af svipnum úr þessu viðtali á vellinum á morgun og þá kemur ekki nokkur maður boltanum framhjá honum!
http://www.evertonfc.com/news/2014/10/22/blues-little-final
Byrjar leikurinn kl 18.00?
Sá áðan … rétt fyrir kl. 12 að það væru 6 tíma og 8 mín í leik?
Verður hann í opinn dagskrá á Stöð2?
Spá i jafntefli!
kv albert
Byrjar 18:00 að breskum tíma, 17:00 að íslenskum.
Og jú, mér skilst hann sé í opinni dagskrá — án þess að ég viti það. Við mætum samt á Ölver, skemmtilegra að horfa á hann með öðrum. 🙂
Skora á einhvern hagyrðing að klára þessa limru hjá Ara. 😀 Góða skemmtun.
Mr.Jinx
Burtu með Alla, brandara – Kalla
sem halda að spá eins og bjáni sé lukka.
Hlustið á Halla, ja eða Balla
klámfengnir er´u eins og kerlingarskrukka 🙂
Góður Diddi þarna þekki ég þig 🙂