Mynd: Everton FC.
Engin leikskýrsla náðist á vefinn í tíma því aðalfréttaritarinn var fastur upp á Landsspítala að huga að nýfæddu barni og konu og útnefndur varamaður (fyrir leikskýrsluna) var kallaður frá leik í miðjum klíðum. Drátturinn í næstu umferð er hins vegar ljós því ef Everton vinnur Oldham fá þeir Wigan á heimavelli. Alltaf gott að fá heimavöllinn.
Drátturinn í heild sinni:
Millwall vs Blackburn Rovers
Manchester United eða Reading vs Middlesbrough eða Chelsea
Manchester City vs Barnsley
Oldham Athletic eða Everton vs Wigan Athletic
Held því miður að þessar vangaveltur um Moyes hvort hann haldi áfram eða ekki sé farið að hafa áhrif á hugarfar leikmanna eins og um árið þegar umræðan stóð sem hæst um hvort hann yrði áfram eða ekki, þá dalaði liðið allverulega eins og mér sýnist vera gerast núna, ekki 100 prósent einbeiting
flottur dráttur í 8 liða úrslitum fengum heimaleik gegn wigan,núna er bara að slátra oldham á goodison og fara alla leið.
Hér er jöfnunarmark Oldham á animated GIF formi:
http://i.minus.com/iReiWLKJDiNWT.gif
Tvennt sem mér dettur í hug þegar ég sé þetta:
1) Hvað í *ósköpunum* var markvörður Oldham að pæla?!? Var hann búinn að gleyma því að hann var ekki í eigin markteig og því má hann ekki taka boltann með höndum?
2) Nú þekki ég ekki reglurnar nógu vel — en má sóknarmaður bakka inn í markvörð andstæðinga í „altaris-reitnum“ (litli reiturinn beint fyrir framan markið þar sem markvörðurinn er „heilagur“ og ég hélt að mætti ekki snerta hann) og hindra hann þannig í að ná til knattarins?
Mér hefur fundist mjög mikið dæmt á sóknarmenn okkar inní markteig andstæðinganna sérstaklega hefur Anichebe verið dæmdur ólöglegur og klárlega bakkar sóknarmaður Oldham inní Howard í þessu atviki og einnig er hendi á markmanninn þeirra þarna og með ólíkindum að enginn úr dómaratríóinu hafi séð það. Ég er hinsvegar sammála Elvari að Howard hefði betur haldið sig á línunni í þessu atviki en Howard var að mínu mati besti maður liðsins í leiknum og hef ég verið mjög gagnrýninn á hann í vetur.
Fannst markmaður Oldham fara með hendina í boltann og síðan fer boltinn beint í haus sóknarmanns Oldham og mark.
Mér finnst Howard stökkva jafnvel meira inn í þvöguna eins og Oldham maðurinn fer í Howard, hefði verið ósáttur ef dæmt hefði verið á Everton ef við værum í sókn við þessar aðstæður.
Howard hefði átt að halda sig á línunni þar sem það voru svo gríðarlega margir menn fyrir framan hann. Howard stóð sig samt sem áður frábærlega og varði oft mjög vel. Verð að segja að færi og skot Oldham voru öflugri en Everton þó svo að Everton hefðu betri stjórn á bolta og spili.
Svakalega daprar seinustu 8-10 mínúturnar hjá okkur.
Náði bara að horfa á um helminginn af leiknum og var að sækja hann á deildu.net og ætla að renna aðeins yfir hann áður en ég tjái mig meira, hmmm.
Mér finnst reyndar erfitt að segja til um það hvort þetta hafi verið hendi, allavega frá þessu sjónarhorni sem ég vísaði í (gif myndin), en ég sá náttúrulega ekki leikinn — geri ráð fyrir að þetta hafi verið endursýnt þegar á leik stóð. Ég spurði einn hlutlausann (Tottenham aðdáanda) sem horfði á leikinn hvort þetta hafi verið hendi og hann sagði nei.
Moyes sagði í viðtali við Sky Sports að honum hafi fundist sóknarmenn Oldham brjóta á Howard, en minntist á að það hafi verið í horninu á undan horninu þegar markið kom, þannig að hann gerði ekki athugasemd við þetta horn allavega.
http://www1.skysports.com/football/news/11671/8505683/
En svo er alltaf spurning hvort það sé hans mat strax eftir leikinn eða hvort hann hafi átt eftir að sjá endursýninguna og skipti um skoðun. Hvur veit.
Það er svo spurning afhverju liðið lætur leiða sig í að verja eins marksforskot á lokakaflanum í stað þess að halda áfram að spila fótbolta og sigla sigrinum heim
Eina jákvæða við þetta er að við fáum að horfa á aukaleik með Everton á Goodison í miðri næstu viku 🙂
Graham Poll er sammála mér:
http://www.dailymail.co.uk/sport/football/article-2280166/Graham-Poll-Everton-deserve-round-FA-Cup-foul-Oldhams-Lee-Croft.html
Þetta var klárt brot hjá Lee Croft, leikmanni Oldham, á Tim Howard.
Elvar það er jákvætt,getum ekki tapað fyrir þeim á goodison.
Við vorum gríðarlega kærulausir síðust 10 mín af leiknum og getum alveg sjálfum okkur um kennt hvernig fór. Þetta er samt alveg ótrúlega algengt finnst mér með Everton að þegar við erum að vinna með 1 marki þá erum við of oft að falla allt of langt til baka með allt liðið og leyfum hinu liðinu að pressa og pressa. Moyes setur oft þá miðvörð inn í liðið til að þétta ennþá frekar til baka en það hefur oft komið í hausinn á okkur.
Það jákvæða er að við erum ekki dottnir út, við eigum að vinna Oldham á Goodison, ég held að leikmenn séu hungraðir í þennan bikar og ættu því að mæta í þann leik almennilega. Svo er næsti leikur þar á eftir heimaleikur gegn Wigan sem var mjög flottur dráttur fyrir okkur. Svo við eigum meiri séns en minni að komast í undanúrslit.
Ég er orðinn frekar hræddur um framtíð MOYES hjá liðinu okkar, held samt að hann sé að gefa forráðamönnum liðsins það í ljós að hann verði ekki áfram stjóri ef hann fær ekki peninga til leikmannakaupa í vor. Ég skil ekki hvers vegna ekki var bætt í liðið í janúarglugganum þegar liðið var í fimmta sæti og möguleikarnir á meistaradeildinni innan seilingar. Við vitum hvað það hefur mikla peningavon að spila í meistardeild Evrópu sem er stæðsta keppni í fótbolta í heimi.
Er alveg sammála þér. Að styrkja ekki liðið í janúar var hreinlega glæpsamleg vanræksla af hálfu stjórnarinnar sem einu sinni enn brást ekki bara Moyes heldur líka leikmönnum og stuðningsmönnum.
Ég er alveg viss um að Moyes er endanlega búinn að fá nóg og fer í sumar, lái honum það hver sem vill.
If we get through the replay with Oldham the QF would be 12.45pm on 9 March. Live on ITV.
Það er ljóst að ef við vinnum Oldham í næstu viku þá verður leikurinn gegn Wigan sýndur beint 9 mars eins og kemur fram hér að ofan. Bara að láta vita.
Var að horfa á leikinn núna áðan (download af deildu.net).
Jagielka var klárlega maður leiksins að mínu mati og markið sem hann skoraði er alveg magnað hreint út sagt.
Fyrra mark þeirra Oldham manna er mjög vel gert og einu mistök Everton þar virðist vera að Gibbson sem komin er aftast er of langt frá sóknarmanni Oldham sem skýst framfyrir hann og skorar, reyndar virðist hann eilítið fyrir framan Gibbson, þ.e. rangstæður en mjög hæpið að dæma á það finnst mér.
Það sem eftir lifði leiks var Everton klárlega sterkara liðið og í raun ekkert panik í gangi fyrr en seinustu mínúturnar.
Ég er algerlega ósammála með Jelavic að hann hafi staðið sig illa, hann reyndar stóð sig mjög vel, var alltaf að, átti stoðsendinguna að fyrsta markinu sem var síðan vel klárað af Anichebe. Jelavic átti frábæra sendingu fyrir í seinni hálfleik sem hefði vel geta gefið mark og seint í leiknum gaf Gibbson á hann og Jelavic skýtur rétt yfir markið undan pressu Oldham manna. Það sem ég hafði meiri áhyggur af hve lítið hann er að fá af sendingum og t.a.m. er Pienaar nánast aldrei að senda á hann heldur sendir hann á vinstri kant, aftur fyrir sig eða þrumar á markið (og hann er ömurlegur skotmaður utan við teig). Einnig vantaði sendingar frá Baines eða Mirallas (í seinni hálfleik) svo ekki sé minnst á Neville ræfilinn. Ég gaf Neville sérstakan gaum og hann var okkar versti maður, alveg klárlega. Ömurlegar sendingar fyrir, ekkert creativity og nokkurt klúður í varnarvinnunni, sakna Coleman klárlega.
Gibson virðist ekki kominn í sitt gamla form eftir meiðslin en hann ætti að ná fyrri styrk í næstu leikjum.
Mirallas kom ferskur inn í seinni hálfleik og hann tók tvær magnaðar hornspyrnur þar sem önnur gaf mark en hin missti Osman rétt af, nokkrir flottir sprettir Mirallas upp kantinn en einnig missti hann boltan þrisvar á mjög slæmum stað. Er samt drulluhrifinn af þessum leikmanni.
Við vinnum seinni leikinn með þremur mörkum, mark my words.
Búið er að færa leikinn við Oldham fram um dag og verður þriðjudagskvöldið 26/2 kl 19.45
Takk fyrir það, Halli. Var að uppfæra leikjalistann:
http://everton.is/leikir
Já, mér sýndist líka (af endursýningu) að fyrra mark þeirra væri rangstöðumark.
Og já, við þurfum nauðsynlega að fá Coleman aftur. Er ekki viss um að ég treysti nýja ungliðanum (Stones) alveg strax í liðið. Hann þarf, að mér finnst, aðeins að kynnast „the Everton way“ í gegnum unglingaliðið fyrst og sanna sig þar.
Moyes segir alltaf að hann vilji að bikarleikirnir séu heimaleikir. Leikmennirnir voru bara að láta það eftir honum! 🙂
Var að horfa á helstu atriði leiksins:
http://www.evertonfc.com/evertontv/home/8362
(20 mínútna vídeó).
Oldham átti markið, svo skot sem Howard hefði varið ef Fellaini hefði ekki fengið hann í fótinn (og þaðan í stöng). Svo áttu þeir slakt skot beint á Howard. Að öðru leyti lítið að frétta þangað til undir lokin. Everton aftur á móti með mörg góð tækifæri gegnum allan leikinn og áttu að vera búnir að gera út um leikinn fyrir lifandis löngu.
Hvað um það. Það eru svo fáir leikir eftir af tímabilinu að maður á kannski bara að vera kátur með að fá einn í viðbót. 🙂
Elvar jelavic er sóknarmaður og á að vera inní teig þegar krossarnir koma,hann á að skora mörk og á að láta aðra um að gefa fyrir,honum virðist fyrirmunað að skora.Vonandi fer karlinn að komast í gang núna í restinna,