Meðlimaáskrift fyrir 2022/23 tímabilið

Mynd: Everton FC.

Everton hefur hafið sölu á meðlimaáskrift fyrir tímabilið sem er að hefjast í sumar. Þau ykkar sem gerast meðlimir fyrir tímabilið fá ýmis fríðindi, eins og:

• Forgang í miðasölu á heimaleiki á Goodison Park í deild og bikar á tímabilinu 22/23.
• Aðgang að netstreymi af Everton leikjum í Bandaríkjunum á undirbúningstímabilinu.
• Aðgang að netstreymi af völdum heimaleikjum Everton U21 og U18 á tímabilinu 22/23.
• Aðgang að prívat efni á meðlimasíðu evertonfc.com, sem sýnir prívat Everton efni frá Goodison Park og Finch Farm æfingasvæðinu.
• Ókeypis miða á heimaleiki kvennaliðs Everton á Walton Hall Park.
• … og rúsínan í pylsuendanum: greiðslugjöf og meðlimakort frá klúbbnum.

Með meðlimaáskrift, sem kostar 35 pund, getum við jafnframt tryggt aðgang að miðum í gegnum forsölu klúbbsins á alla heimaleiki Everton, sem og valda útileiki og FA bikar- og deildarbikar-leiki á tímabilinu 2022/23. Gildir þetta einnig um formlegar ferðir á vegum Everton klúbbsins.

Hægt er að lesa nánar um tilboðið og skrá sig sem official Everton meðlimur hér.

Til að nýta tilboðið til fullnustu (ná öllum leikjunum á undirbúningstímabilinu sem í boði eru) þarf að klára meðlimaáskriftina fyrir fyrsta leik, sem er gegn Arsenal í Bandaríkjunum þann 16. júlí.