Mynd: Everton FC.
Everton staðfesti í dag kaup á Jean-Philipe Gbamin frá Mainz en hann er 23ja ára varnarsinnaður miðjumaður sem ætlað er að fylla í skarðið sem Idrissa Gana Gueye skildi eftir sig.
Gbamin (eða Gamin eins og það er borið fram) er 183 cm á hæð og þykir nokkuð fjölhæfur, en hann getur einnig spilað stöðu miðvarðar. Hann hefur leikið með Mainz síðan 2016 (86 leiki) en hann kom til þeirra frá Lens í Frakklandi, þar sem hann er uppalinn. Gbamin lék með yngri liðum franska landsliðsins en skipti yfir í landslið Fílabeinsstrandarinnar (þar sem hann er fæddur) áður en hann lék landsleik með aðalliði Frakka.
Liverpool Echo greindu hans leikstíl í grein á dögunum en þar var bent á að hann er mun hærri og líkamlega sterkari en Gueye, sem kemur til með að hjálpa til í viðskiptum við andstæðinginn í líkamlega sterkri deild eins og þeirri ensku, sem og við skallaboltana. Hann vinnur 60% viðureigna þegar hann er að verjast sóknartilburðum andstæðinga (örlítið lægra en Gueye, sem var með 68%) en er samt í topp 30 listanum af leikmönnum í efstu fimm deildum Evrópu fyrir leikmenn 24ra eða yngri.
Hans styrkleiki liggur í vinnusemi og góðum staðsetningum, sem gerir honum kleyft að komast inn í sendingar andstæðinga (5.61 sinnum per 90 mínútur, Gueye var með 5.25 í sömu tölfræði). Eins og góðum varnarsinnuðum miðjumönnum er tamt, þá liggur hann djúpt, pressar á andstæðinginn, vinnur boltann og er fljótur að snúa vörn í sókn. Hann nær ekki 88% heppnuðum sendingum að meðaltali í leik, eins og Gueye, en er ekki langt undan með 83%. En það skýrist að hluta af því að hann reynir oftar langar sendingar fram og stungusendingar og sérstaklega í stungusendingunum gengur honum betur en Gueye. Þetta er útskýrt með stuttu myndskeiði í greininni sem vísað er í hér að ofan (mæli með þeirri lesningu) og má líka sjá í myndskeiðinu hér að neðan.
https://www.youtube.com/watch?v=XekY5Oh6oaQ
Gbamin skrifaði undir 5 ára samning. Kaupverðið var ekki gefið upp en er talið vera um 25M punda.
Velkominn til Everton, Jean Philippe Gbamin!
Flott viðbót við hópinn. Verður spennandi að sjá hann í Everton treyjunni.
Sagan segir að Moise Kean mæti á morgun í læknisskoðun. Vonandi verður hann staðfestur á morgun. Gríðarlega spenntur að fá hann til okkar. Einn efnilegasti framherjinn í dag.
Flott kaup fínn aldur og getur spilað sem hægri bakvörður og miðherji og aðalstaða hans er varnarsinnaður miðjumaður. Hræðilegt að missa af Malcom leist alltaf best á hann í hægri vængstöðunni. Núna þurfum við sennilega að snúa okkur aftur að Zaha samt borga ekki mikið yfir 60 millur vonandi getum við látið Palace hafa 1-3 leikmenn uppí erum að drukkna í varnarsinnuðum miðjumönnum. Fagna ekki fleirum leikmönnum fyrr en kaupin eru staðfest af klúbbnum.
Flott lesning. Takk fyrir þetta Finnur. Mér datt eitt nafn í hug á meðan ég var að lesa… Patrik Viera?