Leicester – Everton 1-0

Mynd: Everton FC.

Öðrum æfingaleik Everton á undirbúningstímabilinu — gegn Leicester í Bangkok, Tælandi lauk með naumu 1-0 tapi.

Uppstillinging í fyrri hálfleik: Robles, Garbutt (vinstri bakvörður), Distin, Duffy og Hibbert í síðerma bol, þrátt fyrir mikinn hita. Greinilega ekkert sem bítur á þann mann. 🙂 Barry djúpur og McCarthy framar á miðjunni, Pienaar á vinstri kanti, McGeady á þeim hægri, Osman (fyrirliði) í holunni fyrir aftan Naismith frammi.

Leikmenn tóku sig vel út í flottum svörtum útibúningi sem leikið verður á næsta tímabili. Clattenburg að dæma — veit aldrei á gott. Hann hélt sér þó að mestu á mottunni. 🙂

Ég verð annars að hrósa Leicester liðinu sem nýverið komust upp í Úrvalsdeildina því ég held það verði gaman að fylgjast með þeim. Þeir spila skemmtilegan bolta og hafa auga fyrir skyndisóknum og David Nugent á eftir að verða liðum skeinuhættur á næsta tímabili. Ég ætla að spá því að þeim eigi eftir að ganga ágætlega á tímabilinu sem nú fer í hönd.

Þetta leit annars nokkuð vel út hjá okkar mönnum í fyrri hálfleik, stjórnuðu leiknum nokkuð vel og sköpuðu sér nokkur færi í erfiðum aðstæðum (fyrir bæði lið) enda bæði heitt og rakt. Það helsta markverða var glæsileg aukaspyrna vinstri bakvarðar Luke Garbutt á 7. mínútu en það er ljóst að Everton er ekki bara með besta vinstri bakvörðinn í deildinni heldur á ungliðinn Garbutt (21 árs) bjarta framtíð fyrir sér í þessari stöðu og maður hefur engar áhyggjur þó Baines fái að spreyta sig í „Lahm“ stöðunni með Oviedo og Garbutt sem backup fyrir hann.

Pienaar var líka líflegur í fyrri hálfleik, sem var gaman að sjá. Hann hefur vissulega misst nokkuð af hraða sínum með árunum en ekkert af auga fyrir glæsilegu samspili og hann lagði upp færi fyrir Osman á 21. mínútu sem var vel varið af Kasper Schmeichel. Glæsileg markvarsla.

Garbutt átti stuttu síðar aðra glæsilega aukaspyrnu (hvað er þetta með Everton og aukaspyrnusérfræðinga í vinstri bakverði??) en Duffy náði ekki að skalla og Barry dæmdur rangstæður.

David Nugent hjá Leicester átti svo algjört glæsimark – náði skoti í fyrsta eftir flotta fyrirgjöf — boltinn söng algjörlega í netinu en hann rangstæður og markið dæmt af. Hann átti svo flott langskot stuttu síðar. Þurfum greinilega að hafa gætur á honum í deild.

0-0 í hálfleik. Einkunnir leikmanna fram að því: Robles 6 (lítið að gera), Garbutt 7 (flottur), Distin 7 (er þessi maður ekkert að eldast?), Duffy 6 (leit ágætlega út), Hibbert 6 (ágætis vakt — ekkert spectacular), McGeady 6 (brögðóttur en nýttist ekki nógu vel — hefði viljað sjá meira upp hægri kantinn), McCarthy 6 (fínn), Barry 6 (fínn — öðru hvoru ryðgaður), Pienaar 7 (finnst hann stundum vera skrefi á undan leikmönnum sem þurfa að búast betur við klassasendingum), Osman 7 (fínn), Naismith 6 (lítið að gerast).

Everton breytti um taktík í hálfleik — spilaði með þrjá miðverði, Distin vinstri, Alcaraz og Stones hægri (og Robles í marki) og Tyias Browning (hægri kanti) og Hibbert (vinstri) fengu að fara framar. Gibson djúpur á miðju með McCarthy með sér, McAleny frammi. Naismith fyrir aftan Chris Long frammi.

En það var ekki laust við að maður yrði fyrir vonbrigðum með seinni hálfleik því lítið var að gerast í sóknarleik Everton — og eiginlega lítið að gerast í leiknum yfirhöfuð. Leicester skoraði annað rangstöðumark á 56. míntu og náðu svo loks að koma boltanum löglega í markið á 65. mínútu eftir að Robles ákvað að fara að spila stöðu varnarmanns og Leicester náðu að senda fyrir markið og skora.

Lítið að koma út úr miðjunni í seinni hálfleik, þó Gibson liti ágætlega út — Browning og Hibbert greinilega betri varnarmenn en miðjumenn/eða wingbacks. Tvær skiptingar á 75 mínútu: Hallam Hope fyrir Naismith og John Lundstram fyrir Distin. Kennedy svo inn fyrir McCarthy á 85. mínútu en áfram — ekkert að gerast.

Einkunnir leikmanna: Robles 5 (leit ekki alveg nógu vel út í seinni hálfleik, illa staðsettur í markinu og átti slæma sendingu síðar beint á andstæðing sem gaf hættulegt færi), Distin 6 (ekki jafn yfirgnæfandi í seinni hálfleik), Alcaraz 6 (lítið áberandi), Stones 8 (þvílíkar tæklingar — ertu að grínast!?), Hibbert 6, Browning 5, Gibson 6, McCarthy 6, McAleny 5, Naismith 5, Long 5. Sleppi að gefa „síðbúnum“ varamönnum einkunn — of lítill spilatími.

Vankantar liðsins eru annars augljósir. Hef litlar áhyggjur af vörn og marki (með Howard í öftustu línu). Miðjan held ég að spjari sig: Pienaar (með sínar flottu sendingar), McCarthy (vinnuvélin), Barry (kletturinn), McGeady (á eftir að koma á óvart), Osman (reynsluboltinn), Mirallas (með sinn hraða — þekkjum hann vel), Gibson (lítur mjög vel út á undirbúningstímabilinu), Besic (dæmum hann síðar) og hver veit nema Lundstram og fleiri ungliðar eigi eftir veita gamlingjunum meiri samkeppni. En framlínan er greinilega það sem þarf að styrkja. Naismith er harðduglegur og hefur sýnt að hann hefur tilhneigingu til að vera réttur maður á réttum stað og getur skorað mörk. En það vantar tvo góða menn í framlínuna því ungliðarnir þurfa meiri tíma. Conor McAleny gæti komið á óvart en ég held Shane Long og Hallam Hope séu ekki tilbúnir fyrir djúpu laugina.

Grunar að Martinez ætli að leysa það mál með Lacina Traore (sem lánsmann) og kaupa einn almennilegan. Vona að það verði Lukaku (eða betri leikmaður). Það vantar allavega greinilega framherja sem getur sett boltann í netið.

Þakka annars Ara fyrir lýsingu sína á leiknum í beinni í kommentakerfinu. Vel gert!