Watford – Everton 0-0

Mynd: Everton FC.

Everton mætti Watford á Vicarage Road í kvöld. Með sigri gat Everton tekið stórt skref í áttina að tryggja sig í Úrvalsdeildinni á næsta tímabili en þurfti að láta jafntefli duga.

Uppstillingin: Pickford, Mykolenko, Holgate, Keane, Coleman (fyrirliði), Delph, Doucouré, Iwobi, Gordon, Richarlison.

Varamenn: Begovic, Branthwaite, Kenny, Allan, Gomes, Davies, Deli Alli, Calvert-Lewin, Rondon.

Ritari var fjarverandi í dag og voru það Everton bræðurnir Elvar og Georg sem skrifuðu skýrslu leiksins. Við þökkum þeim kærlega fyrir og gefum þeim orðið:

Um 7.000 Everton aðdáendur mættu á heimavöll Watford sem tekur um 21 þúsund aðdáendur, þess má geta að margir Everton aðdáendur keyptu miða á heimavallarsvæði Watford og þrátt fyrir það var völlurinn ekki fullur. Það hefur verið aðdáunarvert að fylgjast með hvað aðdáendur Everton hafa lagt gríðarlega á sig í síðustu leikjum og verið 12. leikmaður Everton í síðustu leikjum. Það hefur smitast yfir í liðið sem hefur nú tekið 7 stig af síðustu 9.

Helstu færi Everton í leiknum komu frá Richarlison og Gray. Everton hafði mikla yfirburði í leiknum án þess þó að ná að setja endapunktinn á margar sóknir, Everton fékk 11 hornspyrnur í leiknum gegn 1 hjá Watford og Everton áttu 5 skot á markið gegn 0 skotum Watford. Bæði Iwobi og sérstaklega Gordon fengu mikið pláss á kantinum til að klára sóknir en lokasendingarnar voru því miður ekki nógu góðar.

Þetta stig gæti þó reynst mjög mikilvægt í þeirri baráttu sem liðið er komið í, þar sem Leeds tapaði í kvöld, auk þess sem markatala Leeds er mikið lakari en markatala okkar manna, 4 stig í síðustu 3 leikjum tímabilsins munu tryggja veru liðsins í deildinni en þó gætu 1-2 stig dugað. Þar að auki er liðið 2 stigum fyrir ofan Burnley líkt og Leeds, auk þess á liðið leik inni á Leeds.

Það var mat ritara að það hefði mátt bæði skipta mönnum fyrr inn á og að nýta allar skiptingar ekki síst þar sem mjög stutt er á milli leikja í lokaleikjum Everton. Gordon átti ekki góðan leik og var orðinn mjög þreyttur og hefði Dele átt að koma inn fyrir hann að okkar mati.

Everton á nú tvo heimaleiki framundan gegn Brentford og Crystal Palace og algjört dauðafæri fyrir liðið að klára þetta í þeim leikjum. Síðasti leikur tímabilsins er svo útileikur gegn Arsenal.

Einkunnir Sky Sports: Pickford (6), Mykolenko (7), Holgate (6), Keane (6), Coleman (7), Gordon (5), Delph (6), Doucoure (7), Iwobi (7), Gray (5), Richarlison (6).

3 Athugasemdir

  1. Ingvar Bæringsson skrifar:

    Er ekki Watford búið að tapa 11 heimaleikjum í röð? Er þá ekki skrifað í skýin hvað gerist á eftir??

  2. Ingvar Bæringsson skrifar:

    Þetta var ekki gott og því miður kom þetta ekki á óvart. Mér fannst varnarleikurinn svo sem allt í lagi en sóknarleikurinn var alltof hægur, fyrirsjáanlegur og hugmyndasnauður. Alltof margir leikmenn voru slakir í kvöld en mér fannst Gray og Gordon áberandi slakastir og Gordon virkaði hreinlega þreyttur strax í fyrri hálfleik.
    Watford hafði ekki náð að halda hreinu í einum einasta heimaleik á tímabilinu fyrir leikinn í kvöld, hafi ég tekið rétt eftir, týpískt fyrir Everton að græja það fyrir þá.
    Vonandi tekst okkar mönnum að vinna Brentford á sunnudaginn en það gæti orðið mjög erfitt því þeir hafa verið góðir upp á síðkastið.

  3. Gunni D skrifar:

    Það vantar tvö stig,hvar í andskotanum sem við fáum þau.

Leave a Reply

%d bloggers like this: