Arsenal – Everton 3-1

Mynd: Everton FC.

Uppstillingin: Robles, Baines, Williams, Jagielka, Holgate, Gana, Schneiderlin, Davies, Valencia, Mirallas, Lukaku. Varamenn: Hewelt, Pennington, Barry, Besic, J. Williams, Barkley, Kone.

Arsenal byrjuðu líflega og Wellbeck komst í færi upp við mark eftir sendingu innan teigs en skaut framhjá. En þeir komust yfir á 8. mínútu með marki frá Hector Bellerin. Wellbeck fékk dauðafæri fyrir framan opið mark eftir sendingu frá vinstri en arfaslök tilraun hans til skots á mark breyttist óvart í hælspyrnu. Bellerin heppinn að vera staðsettur beint fyrir aftan hann og þrumaði inn. 1-0 Arsenal.

Svo dró aldeilis til tíðinda á 15. mínútu þegar Koscielny var rekinn út af fyrir ljótt brot á Valencia — glórulaus tækling.

Lukaku skapaði ágætis færi á 20. mínútu með sendingu fyrir mark frá vinstri en Davies var ekki nógu nálægt marki til að pota inn.

Everton fékk slatta af hálffærum það sem eftir lifði hálfleiks en alvöru færi létu á sér standa. Og á 26. mínútu gerði Koeman taktíska breytingu til að bregðast við því að Arsenal væru manni færri: skipti Tom Davies út af fyrir Barkley.

En aðeins um mínútu seinna voru Arsenal búnir að skora aftur og var smá heppnisstimpill á því marki. Þeir komust í skyndisókn sem endaði með skoti að marki. Tvisvar lenti boltinn í leikmanni og breytti um stefnu og endaði á því að setja Wellbeck einan á móti markverði. Robles kom út til að loka á Wellbeck en Sanchez kom aðvífandi og fékk sendinguna og skoraði í autt netið. 2-0 fyrir Arsenal.

Fyrir utan skalla Lukaku á mark og tvö langskot (frá Gana og Valencia) var ekki mikið um færi að öðru leyti. Staðan 2-0 fyrir Arsenal í hálfleik.

Barry skipt inn á fyrir Gana í hálfleik.

Arsenal gáfu víti á 57. mínútu þegar Monreal handlék knöttinn klaufalega innan teigs. Lukaku á punktinn og átti ekki í nokkrum vandræðum með að klára það. Staðan orðin 2-1.

Everton kom tuðrunni í netið á 66. mínútu eftir flotta sókn en dæmt af vegna brots.

Arsenal hefðu getað bætt við marki á 75. en Robles náði að verja frá Arsenal manni sem var kominn einn í gegn.

Formaðurinn, meistari Halli, sá um restina af leikskýrslunni í fjarveru ritara, sem þurfti að bregða sér frá. Gefum honum orðið:

Leikurinn miðað við textalýsingu sem ég fylgdist með sökum þess að ég er í vinnu segir mér að leikurinn var jafnari en tölurnar gefa til kynna. 3-1 tap niðurstaða sem erfitt er að sætta sig við, miðað við að vera einum fleiri í 75 mín. Á þessum síðustu 15 mínútum leiksins voru okkar menn að skapa sér einhver færi og hornspyrnur sem ekkert kom út úr. Á meðan náðu Arsenal að skora eftir að þeir höfðu átt hornspyrnu sem var hreinsað frá en Özil kom boltanum aftur inn í teiginn og skoraði Ramsey fyrir þá. Það er skratti dapurt að tapa svona leik en það kemur alltaf nýtt tímabil.

Einkunnir Sky Sports: Robles (8), Baines (6), Jagielka (6), Williams (6), Holgate (6), Gueye (6), Schneiderlin (7), Davies (5), Valencia (7), Mirallas (6), Lukaku (7). Varamenn: Barry (6), Barkley (7), Kone (6).

7 Athugasemdir

  1. Gestur skrifar:

    Áfram Everton , félagsmaður nr 88 kv Gestur

  2. Diddi skrifar:

    Skita

  3. Gunnþór skrifar:

    Þurfum einfaldlega meiri gæði í hópinn það verður verslað í sumar það er klárt.

    • Orri skrifar:

      Sæll Gunnþór.Þarna er ég sammála gæði hópsins eru bara ekki nógu mikil til að vera ofar en 7 sæti,Við verslum í sumar og setjum stefnuna á fyrsta sæti næsta vetur.

  4. Ari S skrifar:

    Selja Barkley og Lukaku fyrir 120 millur í pundum (samanlagt sko).

    Flott tímabil hjá okkur og það verður gaman að fylgjast með liðinu í Evrópukeppni á næsta ári.

    kær kveðja, Ari.

    • Diddi skrifar:

      liðið er ekkert komið í neina evrópukeppni, umspil við erfiða andstæðinga alltof snemma fyrir okkur getur þýtt eitthvað allt annað og erfitt tímabil Ari minn 🙂

  5. Gestur skrifar:

    Miða við þessar einkanir þarf Everton leikmenn víða!