Everton – Tottenham 0-3

Mynd: Everton FC.

Lokaleikur 9. umferðar ensku úrvalsdeildarinnar var við Tottenham á Hill Dickinson leikvanginum. Flautað var til leiks kl. 16:30.

Uppstillingin: Pickford, Mykolenko, Keane, Tarkowski (fyrirliði), O’Brien, Gana, Garner, Grealish, Dewsbury-Hall, Ndiaye, Beto.

Varamenn: Travers, Aznou, Coleman, Iroegbunam, Alcaraz, Röhl, McNeil, Dibling, Barry.

Branthwaite var enn frá vegna meiðsla, en fréttir bárust af því að hann þurfti að fara í uppskurð til að taka á einhverju sem leit út fyrir að vera smávægilegt, en hann var ekki að ná að jafna sig af almennilega. Annars var þetta okkar sterkasta lið, enda kom Grealish inn í liðið aftur eftir City leikinn, sem hann mátti ekki leika (þar sem hann var formlega enn leikmaður City).

Nokkuð var um meiðsli í herbúðum Tottenham en vitað var að Romero, Udogie og Solanke myndu allir vera frá. Það kom hins vegar pínu á óvart að Richarlison myndi ekki vera í byrjunarliðinu, en við fögnuðum því, enda hefður þessi fyrrum leikmaður okkar reynst erfiður ljár í þúfu. Randal Kolo Muani fékk því sinn fyrsta byrjunarleik með Tottenham en Richarlison byrjaði á bekknum.

Fjörug byrjun á leiknum. Everton átti dauðafæri strax á 3. mínútu eftir að Ndiaye fór illa með vinstri bakvörð Tottenham og sendi fyrir innan teigs frá hægri. Boltinn fór til Grealish, með viðkomu fyrst í Beto, en Grealish náði föstu skoti nálægt marki vinstra megin. Skotið fór hins vegar í fótinn á varnarmanni og Tottenham sluppu þar aldeilis með skrekkinn.

En það voru Tottenham sem komust yfir á 18. mínútu, eftir hornspyrnu frá hægri (frá þeim séð). Boltinn varst á fjærstöng þar sem Bentancour náði að beina fyrirgjöfinni, fyrir mark aftur með öxlinni og Van De Ven skallaði inn við hægri stöng. 0-1 fyrir Tottenham. Þetta reyndist fyrsta markið sem Everton fékk á sig úr föstu leikatriði á tímabilinu. 

En Everton jafnaði á 24. mínútu, einnig eftir hornspyrnu, þegar O’Brien skallaði inn frábæra fyrirgjöf frá Garner. En því miður var Ndiaye rangstæður, þar sem hann stóð við hlið markvarðar spyrnti á móti markverði, þannig að markið var dæmt af. Því miður, en líklega réttur dómur. Pínu soft samt.

Bentancour átti svo stórhættulegt skot á 34. mínútu en rétt framhjá stönginni.

En Tottenham bættu svo við öðru marki úr hornspyrnu og það var megn skítalykt af því. Van de Ven hleypur að Pickford, ýtir honum í átt að marki og skallar svo inn. Klárlega brot á Pickford, en ekkert dæmt. Staðan orðin 0-2 fyrir Tottenham, hálf óverðskuldað. 

Og staðan var 0-2 í hálfleik. Fyrsta tap Everton á Hill Dickinson blasti við.

Beto var reyndar óheppinn að skora ekki á 54. mínútu þegar hann náði hjólhestaspyrnu af stuttu færi, eftir sendingu frá Ndiaye, en markvörður Tottenham náði algjöru „reaction save“ á síðustu stundu.

Richarlison var skipt inn á (fyrir Tottenham) ekki löngu síðar og hann komst í dauðafæri þegar Tarkowski náði ekki að bægja hættunni frá, þegar hár bolti barst í áttina að marki Everton. En Richarlison, sem var einn á móti markverði, skaut beint í kviðinn á Pickford.

O’Brien og Beto var svo skipt út af fyrir Rohl og Barry á 65. mínútu og Ndiaye náði skoti að marki á 71. mínútu, sem breytti stefnu af tveimur varnarmönnum en einhvern veginn náði markvörður Tottenham að verja á síðustu stundu. Boltinn einfaldlega vildi ekki inn.

Stuttu síðar hefði Gueye svo átt að fá víti þegar hann var keyrður niður af Kudus inni í teig. Alltaf brot utan teigs — óþolandi. Það var einfaldlega ekkert að falla með okkar mönnum í dag. Alcaraz kom svo inn á fyrir Gana á 86. mínútu.

Everton náði að setja fína pressu á Tottenham í seinni hálfleik, án þess að skapa nægilega góð færi, en Tottenham mennirnir með okkur í salnum á Ölveri supu hveljur ítrekað og leið greinilega ekki vel undir pressu Everton.

En á 89. mínútu náðu Tottenham menn að klára leikinn með þriðja markinu og þar með var þetta búið.

0-3 niðurstaðan í dag en úrslitin ekki í samræmi við frammistöðuna — svona er þetta stundum. Tölfræðin yfir heppnaðar sendingar í „final third“ var athyglisverð: 122 hjá Everton, 46 hjá Tottenham.

Fimm leikja taplaus hrina (þrír sigrar, tvö jafntefli) á Hill Dickinson þar með á enda.

Einkunnir Sky Sports: Pickford (6), O’Brien (7), Keane (5), Tarkowski (6), Mykolenko (6), Gueye (7), Garner (6), Ndiaye (7), Dewsbury-Hall (6), Grealish (6), Beto (6). Varamenn: Barry (6), Rohl (6).