Mynd: Everton FC.
Everton staðfesti rétt í þessu kaup á James Rodriguez frá Real Madrid en hann ætti að vera lesendum vel kunnugur. James er 29 ára miðjumaður sem hefur spilað 76 leiki með með kólumbíska landsliðinu og skorað 22 mörk og gefið 25 stoðsendingar. Hann er auk þess deildarmeistari í Portúgal (þrefaldur), á Spáni (tvöfaldur) og Þýskalandi (tvöfaldur). Að auki hefur hann unnið Evrópudeildina (einu sinni), Meistaradeildina (tvisvar) og ýmsilegt fleira sem hægt væri að nefna. Á sínu fyrsta tímabili undir stjórn Ancelotti hjá Real Madrid skoraði hann 13 mörk og gaf jafn margar stoðsendingar og var valinn besti miðjumaður deildarinnar.
James skrifar undir tveggja ára samning (til 2022) en Everton hefur rétt á að framlengja samninginn um eitt ár.
Uppfært 10. sept, 2020: Skv. frétt á BBC var upphaflega talið að kaupverðið væri 20M punda, en fregnir herma að kaupverðið sé nær 12M punda.
Hægt er að horfa á fyrsta viðtal hans við klúbbinn hér og skoða tölfræðina hér.
Við bjóðum James hjartanlega velkominn til Everton!
Svakalega er ég ánægður að fá þennan frábæra leikmann. Anchelotti svo sannarlega að koma sér vel í leikmannakaupum liðsins. Doucoure mun svo væntanlega vera kynntur fljótlega. Alvöru breidd komin á miðjuna sem var mikið vandamál á síðustu leiktíð.
Hver ætlar að taka það að sér að fara út til Englands að kaupa nýja búninga með #19 á bakinu? Væri það ekki sniðug hugmynd hehe?
Kær kveðja, Ari S
kæru félagar veit einhver klukkan hvað leikurinn er hjá Everton á laugardaginn
Sæll þorri.Hann er kl 1530 á sunnudaginn.
takk fyrir þetta Orri og ÁFRAM EVERTON