full screen background image

Íslendingaferð Everton – Newcastle

Mynd: Everton FC.

Nú eru smáatriðin orðin ljós með næstu skipulögðu hópferð Everton klúbbsins á Íslandi til fyrirheitna landsins að sjá Gylfa Sigurðsson og félaga taka hressilega á móti Newcastle á Goodison Park. Ferðin er í lok apríl og þér gefst færi á að koma með okkur. Þau hjá Vita Sport (samstarfsaðila okkar í þessum ferðum) eru byrjuð að auglýsa ferðina og smáatriðin er að finna hér að neðan.

Flug: Um er að ræða beint flug fram og til baka frá Keflavík til Manchester með Icelandair. Flogið verður út með flugi FI440 föstudaginn 20. apríl kl. 8:00 (daginn eftir sumardaginn fyrsta) og heim aftur með flugi FI441 þann 23. apríl kl. 13:25 (mánudagur).

Gisting: Þrjár nætur á Jury’s Inn hótelinu í Liverpool (sjá á Google Maps), sem við, sem höfum farið í ferðir þangað, þekkjum vel. Gisting og morgunmatur eru innifalin í verði en gera má ráð fyrir að tveir ferðalangar deili saman herbergi. Klúbburinn aðstoðar staka herbergisfélaga að sameinast um herbergi ef þess er óskað en að sjálfsögðu er einnig er hægt vera stakur/stök í herbergi (en þá er greitt aukalega).

Leikdagur: Leikurinn er settur á laugardaginn þann 21. apríl 2018 kl. 15:00.

Verð: Heildarverð fyrir þennan pakka er 97.500.- kr. og er innifalið í því beint flug til og frá Manchester, gisting í þrjár nætur á Jury’s Inn (plús morgunmatur) og miði á Everton leikinn. Ath: Aukagjald fyrir einbýli er 25.500.- kr.

Staðfesting: Ferðaskrifstofan Vita Sport sjá um bókanir á vefnum, í síma 570-4472 eða á tonsport@vita.is. Pöntun telst svo staðfest við greiðslu 40.000.- kr. staðfestingargjalds.

Skráningarfrestur: Skráningu lýkur um leið og sætin klárast en eigi síðar en í lok dags föstudaginn 9. mars. Látið okkur vita ef þið eruð að hugsa um að fara en eruð ekki búin að ákveða.

5 Athugasemdir

  1. Finnur skrifar:

    Mér skilst að fimm skráningar séu komnar í þessa ferð — veit ekki nánar með smáatriðin.

  2. Elvar Örn skrifar:

    Er volgur. Væri gaman að heyra hverjir væru búnir að skrá sig í þessa ferð.

  3. Einar G skrifar:

    Ég og pabbi (Jón Ingi) förum búnir að skrá og allt.

  4. Gestur skrifar:

    Ég er að spá.

  5. Halli skrifar:

    Ég er að spáí að fara í þessa ferð.

Leave a Reply

%d bloggers like this: