full screen background image

Everton – Appollon Limassol 2-2

Mynd: Everton FC.

Uppstillingin: Pickford, Baines, Williams, Holgate, Kenny, Schneiderlin, Gana, Davies, Gylfi, Rooney, Ramirez. Varamenn: Stekelenburg, Mirallas, Martina, Klaassen, Vlasic, Calvert-Lewin, Lookman.

Limassol varnarsinnaðir í uppstillingu sinni, 4-5-1, og pressuðu vel. Everton meira með boltann en mest megnis utan vítatigs Limassol, enda þykkur varnarmúr fyrir framan.

En það voru Limassol sem skoruð fyrst eftir slæm varnarmistök frá Ashley Williams þegar hann reyndi að senda á Baines en sendi í staðinn beint á kantmann Limassol, sem sendi fyrir mark, beint á sóknarmann þeirra, Sardinero Corpa, sem Holgate var ekki að dekka. Pickford varði viðstöðulaust skot frá Corpa en boltinn féll vel fyrir hann og honum brást ekki bogalistin í seinna skiptið. 0-1 Limassol.

Þetta leit illa út um tíma eftir markið þar sem svo virtist sem allt sjálfstraust hyrfi og leikmenn fóru að efast um allar ákvarðanir. En Everton fékk óvænta línlínu á 21. mínútu þegar hægri bakvörður Limassol, Héctor Yuste, gerðist sekur um ennþá verri mistök en Williams, þegar hann reyndi (under pressu frá Ramirez) að senda aftur á markvörð. Hann hitti ekki og boltinn fór beint á Rooney sem potaði inn í autt markið. Staðan orðin 1-1.

Gylfi Sig var ekki langt frá því að skora fjórum mínútum síðar þegar hann átti skot innan teigs sem markvörður varði. Rooney átti svo skot rétt framhjá stönginni á 29. mínútu eftir flottan undirbúning frá Williams.

Lítið var svo að frétta þangað til Tom Davies tók til sinna ráða og lét vaða á markið utan teigs á 40. mínútu en markvörður tók á honum stóra sínum og varði með því að slá til hliðar. Stuttu síðar fékk Everton aukaspyrnu rétt utan við teig hægra megin en markvörður varði skotið frá Gylfa.

1-1 í hálfleik og maður vænti betri frammistöðu frá Everton í seinni hálfleik. Leikmenn alltof hikandi og vantaði allt sjálfstraust í fyrri hálfleik.

Ein breyting í hálfleik: Gana út af fyrir Vlasic, enda frekar þörf á kantmönnum og hraða gegn Limassol heldur en varnarsinnuðum miðjumönnum. Aðeins betra að sjá til Everton liðsins í seinni hálfleik og Vlasic kom með ágæta innspýtingu. Spurning hvort hann byrji í næsta deildarleik?

Lítið samt að frétta í byrjun — sóknarmaður Limassol reyndi skot af nokkuð löngu færi sem Pickford varði og þar við sat í tæpar 20 mínútur.

Koeman ætlaði að hrista aðeins upp í hlutunum með tvöfaldri skiptingu 65. mínútu (Davies og Ramirez fyrir Klaassen og Calvert-Lewin) þegar Everton náði að skora. Flott og hratt þríhyrningaspil frá kanti hægra megin og að teig endaði í því að Gylfi sendi frábæra stungu inn fyrir vörn Limassol á Vlasic sem afgreiddi boltann auðveldlega framhjá markverði. 2-1 fyrir Everton og Vlasic þar með að skora fyrsta mark sitt fyrir Everton. Eftir markið gafst Koeman tími til að framkvæma tvöföldu skiptinguna sem hann var að plana.

Á 75. mínútu átti Vlasic skot að marki sem var varið. Kannski ekki besta færið en Calvert-Lewin skapaði ennþá betra færi eftir skyndisókn aðeins mínútu síðar og átti skot utan teigs sem fór rétt framhjá stönginni.

Mikið betra að sjá til Everton eftir markið. Allt í einu leit út fyrir að leikmenn væru með hugmyndir að því hvernig ætti að gera endanlega út um leikinn og pressan á Limassol jókst. Það lifnaði yfir Gylfa og Calvert-Lewin lífgaði aldeilis upp á framlínuna.

Gylfi átti frábæra sendingu á Jonjoe Kenny sem setti þann síðarnefnda í flott skotfæri hægra megin inni í teig en skotið varið af varnarmanni.

Á 86. mínútu leit út fyrir að varnarmaður Limassol, Roberge, hefði gert möguleika síns liðs að engu þegar hann lét reka sig út af á 86. mínútu fyrir að traðka á Calvert-Lewin sem lá á jörðinni. En þá gerðist slys þegar Klaassen gaf óþarfa og klaufalega aukaspyrnu úti á kanti sem gaf Limassol skallamark. Staðan allt í einu orðin 2-2 og lítið eftir.

Everton setti allt kapp í að jafna. Calvert-Lewin fékk dauðafæri örskömmu síðar þegar Vlasic vann boltann við hornfána og sendi fyrir. Frír skalli frá Calvert-Lewin upp við mark sem markvörður Limassol varði með ótrúlegum hætti. Frákastið barst til Calvert-Lewin og á meðan markvörður var grasinu reyni Calvert-Lewin að slengja fæti í boltann en boltinn centimetrum of langt frá honum til að hann næði að skjóta.

Niðurstaðan því 2-2 jafntefli. Vissulega vonbrigði en sem betur fer gerðu Lyon og Atalanta jafntefli þannig að það er enn allt mögulegt í riðlinum.

9 Athugasemdir

  1. Matti skrifar:

    Ef everton vinnur þa heldur koeman aframm að komast upp með þennan helvitis viðbjoð af spilamennsku hvað er planið

  2. Gestur skrifar:

    Er hægt að bjóða manni svona ógeðslega spilamennsku endalaust?

  3. Ingvar Bæringsson skrifar:

    Svei mér þá! Nú held ég að það sé farið að hitna undir Koeman.
    Þetta var algjörlega óásættanlegt svo vægt sé til orða tekið og það versta er að þetta kom ekki einu sinni á óvart ????

  4. Elvar Örn skrifar:

    Tveir sigrar í röð og svo jafntefli. Er ekki alveg eins brjálaður og þið og fannst mér Everton mun betra liðið í dag.
    Þeir sem vildu Jonjoe Kenny sáu að Martina er mikið betri í hægri bak og Calwin Lewin er mikið betri en Ramirez sem fremsti maður. Vlasic svakalega flottur líka.
    Everton mikið betri en jafntefli á heimavelli er ekki ásættanlegt verð ég að segja.
    Þurfum að vinna Lyon í næsta leik ef við eigum að eiga séns í Evrópudeildinni.
    Svo er bara að vinna á Sunnudag og koma okkur ofar í deildinni.

  5. Ari G skrifar:

    Finnst sumir hér alltof dómharðir. Auðvitað var spilamennska Everton ekki góð í þessum leik en samt mun betri en á móti Atalanta. Vlasic var frábær í þessum leik margir ljósir punktar í þessum leik og margir slæmir. Gefum Koeman sjens til áramóta. 14-16 nýjir leikmenn hlýtur að taka nokkra mánuði að virka þá alla til góðra verka. Vill henta Williams á bekkinn þegar Michael Keene kemur aftur og vill hafa Holgate með honum í miðju varnarinnar. Svo má Koeman fórna öðrum varnarsinnuðum miðjumanninum eins og gerði í þessum leik enda stórlagast leikur Everton í seinni hálfleik eiginlega óheppni að fá jöfnunarmark á sig á síðustu stundu.

  6. Diddi skrifar:

    það þarf að sýna Koeman leiki með Swansea og ísl. landsliðinu til að hann fatti að Gylfi er ekki kantmaður. Ef hann fer ekki að átta sig á þessu er ég viss um að þessi gerir það og við skulum hafa hann í sigtinu þegar Koeman verður rekinn 🙂 https://www.youtube.com/watch?v=mwAygb82m1Y

  7. Ari G skrifar:

    Hvernig lýst mönnum á að ráða Ancelotti ef Koeman skildi vera rekinn. Ég hafði mikla trú á Koeman en ég skil ekki þessa liðsuppstillingu. Af hverju þurfum við alltaf að vera með 2 varnarsinnaða miðjumenn. Þurfum meiri hraða framávið. Vill nota Mirallas og Lookman miklu meira þeir hafa hraðann sem vantar framávið. Þótt Rooney sé duglegur finnst mér allt í lagi að hvíla hann aðeins til að hleypa fleirum að. Ég stend ennþá með Koeman meðan hann er stjóri Everton en núna er Ancelotti á lausu yrði frábært að ráða hann t.d. um áramótin ef Koeman stendur sig ekki. Koeman er góður stjóri en hann er að láta Everton spila vitlaust til hvers að vera með alla þessa sóknarsinnaða miðjumenn og nota þá ekki skil hann ekki. Gylfi og Klaasen eiga að stjórna spilinu á miðjunni og þurfum fljótann sóknarmann þeir eru Lewin eða Lookman annar verður alltaf að vera í liðinu. Mikill vonbrigdi með Sandro og Gylfi hefur ekki náð sér almennilega á strik af því hann er notaður vitlaust og þarf fleiri leikmenn til að gefa á.

  8. Elvar Örn skrifar:

    Mín skoðun eftir þessa fyrstu leiki Everton á leiktíðinni (evrópa, deild og bikar) er:

    Pickford er bestur í markinu af þessum þremur og Stekelenburg nr. 2. Robles klárlega á leiðinni burt eftir leiktíðina og græt ég það ekki.

    Besta miðvarðar-par okkar er Keane og Jagielka. Williams hefur ollið mér verulegum vonbrigðum í miðverði og á móti finnst mér Jagielka betri og meira fit en í fyrra. Ég vil líka meina að Funes Mori sé betri miðvörður en Williams og finnst mér Holgate bara ekki tilbúinn í miðvörðinn. Everton þarf öflugan miðvörð í janúar með Keane og Jagielka.

    Baines er okkar besti vinstri bak en hann hefur dalað nokkuð í ár og fyrra og finnst einnig þörf á leikmanni í þessa stöðu.

    Í hægri bak er Coleman klárlega okkar lang besti kostur en þar sem hann er meiddur þá tel ég Martina bestur í hans fjarveru. Ég veit að það eru margir búnir að drulla yfir hann og hann er bara ekki í uppáhaldi og var það ekki þegar hann var keyptur. Everton aðdáendur eru bara svo sérstakir hvað þetta varðar. T.d. er Davies í uppáhaldi og Ramirez hefur verið það einnig fram að þessu. Þó svo að Davies eigi ömurlegan leik (eins og gegn Limmasol) þá fær hann ekki að heyra það eins og aðrir.
    Martina er flottur framávið og oft á tíðum magnaðar fyrirgjafir. Holgate er vanaður framávið og það eitt og sér gengur ekki. Jonjoe Kenny átti fína innkomu um daginn en var síðan ömurlegur í þessum leik gegn Limmasol. Ég held að Martina eigi að vera fyrsti kostur á eftir Coleman en Jonjoe Kenny fái einnig séns þar sem hann hefur verið magnaður í U-23.

    Varnarsinnaðir miðjumenn, hvar á ég að byrja? Ég veit að margir eru hrifnir af Gana og Schneiderlin saman en ég er algerlega á öndverðu meiði. Það á bara annar þeirra að spila í einu, þeir eru báðir of varnarsinnaðir til að vera inna á sama tíma. Alveg spurnig hvort Besic megi ekki líka fá séns í þessari stöðu.

    Leikstjórnandinn á miðjunni, þarna finnst mér enginn vera settur í þetta hlutverk. Ég vil meina að Gylfi og Klaassen séu báðir mjög flottir í þessa stöðu og jafnvel Rooney. Gylfi og Rooney t.d. báðir agarlega öflugir varnarlega að mínu mati. Margir ósáttir við Klaassen en ég hef séð ansi margt jákvætt í hans spili en hann þarf tíma, hef svakalega trú á Klaassen.

    Skil ekki alveg af hverju Lookman fær ekki meiri séns og við þurfum hraða kantmenn en þar fittar hann ansi vel. Mættum nota Mirallas meira og ég er spenntur að fá Bolasie aftur.
    Rooney vil ég t.d. sjá þá í holunni fyrir aftan sóknarmanninn eða þá Gylfa eða jafnvel Klaaseen.

    Ramirez líklega valdið mestu vonbrigðum að mínu mati og hefur verið satt best að segja skelfilegur. Á móti hefur Calwert-Lewin virkað mjög sterkur, hraður og frískur en þarf að skora meira (en það kemur). Niasse, booom, þvílíkt comeback. Á morgun vil ég t.d. sjá Calwert-Lewin og Niasse saman frammi, það gæti orðið magnað.

    Er enn að reyna að átta mig á hvaða leikkerfi henti okkur best miðað við þann mannskap við erum með heila í dag en skal henda inn óska-uppsetningu fyrir leikinn gegn Burnley á morgun.

    Bara svona pælingar hjá mér 🙂

%d bloggers like this: