Everton – Dagenham & Redbridge 2-0 (FA bikar)

---

Mynd: Everton FC.

Meistari Sigurgeir Ari (Ari S) sá um skýrsluna í fjarveru ritara. Kunnum við honum bestu þakkir fyrir og gefum honum orðið:

Martinez gerði 8 breytingar frá síðasta leik en getur samt spilað fram sterku og reynslumiklu liði gegn Dagenham og Redbridge.

Steven Pienaar er kominn inn í liðið og spilar sinn fyrsta leik síðan í apríl á síðasta ári. Og Phil Jagielka tekur við fyrirliðabandinu á nýjan leik eftir tvo og hálfan mánuð frá vegna meisla. Þeir þrír leikmenn sem voru með í síðasta leik gegn Man City og spila í dag eru Robles, Funes Mori og Besic.

Liðið sem spilar í dag er því þannig:

Robles, Oviedo, Galloway, Jagielka, Funes Mori, Gibson, Besic, Lennon, Pienaar, Mirallas, Kone. Varamenn: Howard, Deulofeu, Barkley, Osman, Rodriguez, McAleny, Pennington.

Arouna Kone og Kevin Mirallas skoruðu mörk Everton í dag.  Kone skoraði þegar rétt voru liðnar 30 mínútur af leiknum og Mirallas skoraði úr víti þegar fáeinar mínútur voru eftir.  Leikurinn í dag var notaður af Martinez til að spila leikmönnum sem hafa lítið getað spilað annað hvort vegna meiðsla eða formleysis.

Everton stjórnaði leiknum en þetta var samt ekkert sérstakur leikur hjá þeim og barátta hjá leikmönnum D & G gerði það að verkum að ekki voru skoruð fleiri mörk. Funes Mori fékk gat á höfuðið og kom Matthew Pennington í hans stað rétt fyrir lok fyrri hálfleiks og er þetta hans fyrsti leikur á Goodison Park.

Þá lék Leandro Rodriguez sinn fyrsta alvöru leik fyrir Everton í dag. Leon Osman kom inn á fyrir Steven Pienaar á 75. mínútu og mjög gleðilegt að sjá þann síðarnefnda ná heilum 75 mínutum í spilatíma.

Lokastaðan: Everton 2 – Dagenham & Redbridge 0. Dregið verður á mánudaginn í 4. umferð bikarkeppninnar.

Skemmtilegt atvik gerðist líka þegar að svart-hvítur köttur hljóp inn á völlinn og tafði leik í nokkrar mínútur og var það markvörður Everton, Joel Robles, sem greip hann og kom honum í réttar hendur.