Árshátíð fyrir norðan

Mynd: FBÞ

Uppfært: Hætt var við þessa dagsetningu þar sem hún gekk ekki upp. Ný dagsetning hér.

Það freistar okkur í stjórn mikið að halda árshátíð Everton á Íslandi fyrir norðan þetta tímabilið. Undanfarin ár hefur árshátíðin verið í Reykjavík en við vitum af því að töluverður Everton stuðningur er norðan heiða og okkur langar að koma örlítið til móts við ykkur sem þar búið, mæta á staðinn og halda upp á daginn — ef áhugi er fyrir hendi.

Hugmyndin er að gera eitthvað skemmtilegt saman á Akureyri fyrri partinn, horfa svo á Everton-Liverpool leikinn í veislusal (7. febrúar kl. 17:30) og borða um kvöldið á sama stað þar sem fólki yrði frjálst að koma með sitt eigið áfengi. Nánari dagskrá og verð verður auglýst síðar en við erum einnig að leita tilboða í gistingu fyrir utanbæjar félagsmenn sem vilja fagna með okkur og gista á Akureyri.

Athugið þó að til þess að þetta gangi upp þarf nægilegur áhugi að vera til staðar þannig að nú viljum við biðja ykkur að taka frá 7. febrúar og láta okkur vita strax hvort þið gætið mætt í veislumatinn fyrir norðan þannig að við getum metið hvort þetta sé raunhæft markmið eða ekki.

Vinsamlegast látið vita hér.