Til hamingju Everton á Íslandi!

Mynd: Everton FC.

Í dag eru heil 19 ár síðan klúbburinn okkar hér heima — Stuðningsmannaklúbbur Everton Íslandi — var stofnaður! Rétt um 17 manns skráðu sig í klúbbinn þann dag, nánar tiltekið 6. maí 1995, rétt um tveimur vikum áður en Everton vann FA bikarinn í fimmta skipti í sögunni. Og áður en árið var liðið höfðu um það bil 70 manns skráð sig í klúbbinn!

Ef þið lumið á skemmtilegum minningum úr sögu klúbbsins, ljósmyndum eða öðrum sögulegum gögnum þá endilega hafið samband/leggið inn komment!

Timabilið í ensku er annars senn á enda — síðasti leikurinn er um helgina, á útivelli gegn Hull. Stigafjöldi Everton verður einhvers staðar á bilinu 69-72 sem er stigamet Everton í Úrvalsdeildinni en ansi mörg önnur met Everton í Úrvalsdeildinni hafa fallið á þessu tímabili (fjöldi sigra í röð, fjöldi sigra á heimavelli og fleira mætti telja).

Ef lokastaða fyrri tímabila í ensku er skoðuð alveg aftur að aldamótum hefði núverandi stigafjöldi (69) og núverandi markatala (+20) skilað ekki lakari árangri en fjórða sæti í átta tilfellum af 14. Ef Everton sigrar gegn Hull um helgina enda þeir með 72 stig sem hefði skilað ekki lakari árangri en fjórða sæti í 11 tilfellum af 14 (og meira að segja tvisvar skilað öðru sæti!).

Ekki slæmt hjá Martinez á sínu fyrsta tímabili! Maður er strax farinn að hlakka til næsta tímabils!

6 Athugasemdir

  1. Einar G skrifar:

    Til hamingju með daginn 😉

  2. Halli skrifar:

    Til hamingju með daginn allir Evertonmenn og konur á Íslandi.

  3. albert gunnlaugsson skrifar:

    Eins og gerst hafi í gær 🙂

  4. albert gunnlaugsson skrifar:

    Síðasta táningsárið. 😉

  5. Ingvar Bæringsson skrifar:

    Til hamingju Ísland

  6. þorri skrifar:

    Til hamingju Everton menn á Íslandi. Þetta er frábær klúbbur og á eftir að stækka meira á komandi árum. Þetta Everton lið verður stórveldi á komandi árum.

%d bloggers like this: