Everton U18 eru Englandsmeistarar!

Everton U18 léku í dag við Fulham og lentu 1-0 undir á 74. mínútu gegn gangi leiksins en Adam Thomas jafnaði á 81. mínútu og hinn hávaxni George Waring (sem kom inn á strax eftir mark Fulham) skoraði sigurmarkið á 86. mínútu með skalla. 

Glæsilegur árangur hjá ungliðunum sem sýndu og sönnuðu að Everton á besta unglingalið Englands um þessar mundir, og það meira að segja þó að markamaskínan Hallam Hope og John Lundstram gætu ekki tekið þátt þar sem þeir voru á ferðalagi með enska landsliðinu.

Framtíðin er björt!

Og í öðrum (ótengdum) fréttum, þá var Everton sagt hafa áhuga á að kaupa Gylfa Þór Sigurðsson. Kannski ólíklegt en skemmtileg pæling engu að síður.

Comments are closed.