Skrifað af: Einar Guðberg Jónsson
Laugardagur, 31. júlí 2010 01:30
Jæja nú er nýtt tímabil um það bil að hefjast. Það sem ég sá á everton síðunni á facebook var að brýnt er að kalla saman aðalfund og kjósa nýja stjórn sem rífur klúbbinn upp. Ég er sammála því, ég á að heita ritari en geri lítið. Nema það að setja hér inn fréttir en fæ lítið comment á móti. En á meðan ég hef eitthvað að segja þá held ég áfram að setja inn hitt og þetta, þó svo enginn skoði það.
Það helsta er að Donovan er áhugasamur um að snúa aftur á Goodison, enda væri það bar snilld að fá þennan snilling í föstum leikatriðum í okkar raðir. Nokkuð ljóst þykir að Everton þurfi að opna budduna mjög mikið til að ná í þennan, en maður veit aldrei. Það eina sem stendur í vegi fyrir að Donovan komi er að LA vill fá annsi góða summu fyrir kappann. Spurningin er þurfum við að selja Pineaar til að ná í Donovan og borgar það sig??
Þeir sem komnir eru fyrir næsta tímabil eru Jermaine Beckford, Joao Silva, Magaye Gueye og Jan Mucha. Beckford gerði að sjálfsögðu góða hluti með Leeds, en hefur hann það sem þarf í Úrvalsdeildina? Joao er tvítugur og á framtíðina fyrir sér, hann spilaði 30 leiki fyrir annarrar deildar liðið Aves í Portúgal og skoraði 14 mörk á síðasta tímabili. Verðum við ekki bara að treysta Moyes með þennan?
Magaye Gueye var keyptur frá Strasbourg hann er 20 ára gamall framherji. Spurning afhverju allir Frakkar eru á útsölu? En hann spilaði með yngri landsliðum Frakka við góðan orðstír. Hann hefur nú þegar skorað eitt mark fyrir Everton á undirbúningstímabilinu, sem er gott, ekki satt?
Þá er það Jan Mucha, en hann er hinn gríðar góði markvörður Slóvaka. Hann spilaði alla leiki Slóvaka á HM 2010 og stóð sig frábærlega. Spurning hversu mikla samkeppni hann nær að setja á Howard.
Jæja hvað segið þið????
Skrifað af: Einar Guðberg Jónsson
Miðvikudagur, 10. febrúar 2010 21:59
Þessi frétt er skrifuð í mjög mikilli sigurvímu, en við áttum fyllilega skilið að vinna þennan leik í kvöld. Þetta var nákvæmlega það sem okkur vantaði eftir ósigurinn gegn Liverpool. Nú höfum við unnið 10 leiki og tapað einum í síðustu ellefu. Það eru alltaf stórtíðindi að vinna Chelsea. Þó svo að Saha klúðraði víti (ekki vel tekið) þá höfðum við baráttu sigur. Til hamingju félagar. Nú langar mig að umræður byrji aftur á síðunni, þetta er búið að vera alveg dautt hjá okkur.
Nil Satis Nisi Optimum. COYB:
Góðar stundir!
Skrifað af: Einar Guðberg Jónsson
Mánudagur, 01. febrúar 2010 07:25
Í dag klukkan 17:00 lokar leikmanna glugginn. Everton hefur tryggt sér Landon Donovan og Philippe Senderos að láni. Spurningin er hvort að Moyes nái að tryggja sér Klaas-Jan Huntelaar að láni frá AC Milan.
Stórlega efast um það þó. Þá er Moeys við það að tryggja undirskrift Jan Mucha, sem er mjög knár markvörður. 
Moeys vill tryggja það að Mucha komi til Everton þar sem miklar líkur eru á því að Carlo Nash fari til annars liðs í sumar. Þá er talið að Moyes vilji að Donovan verði varanlegur hluti af Everton. Það er ekki mjög hár verðmiði á honum, miðað við það sem gengur og gerist í boltanum. Moeys vill greiða 3 milljónir punda fyrir kappann. Nokkuð líklegt er að Donovan sé áhugasamur um að semja varanlega við Everton, en LA Galaxy verða væntanlega tregir til að leyfa honum að fara. Nokkuð líklegt er að lánssamningur Donovan verði framlengdur til loka tímabíls, Donovan vill þó ekki spá í þetta fyrr en eftir HM. Þá hefur einnig komið fram að Moyes vill greiða 2 milljónir punda fyrir Jermaine Beckford til að tryggja að hann komi til Everton eftir tímabilið. Moeys er hræddur um að önnur lið bjóði Beckford betur þegar líða fer á tímabilið. Ástæða þess að Moeys vill fara að tryggja Donovan og Beckford er að nokkuð öruggt er að Saha yfirgefi Everton í lok tímabils.
Meira síðar, góðar stundir!
Skrifað af: Einar Guðberg Jónsson
Laugardagur, 23. janúar 2010 08:16
Flestir íþrótta netmiðlar fylltust í gærkvöldi af þeirri frétt að Senderos væri búinn að skrifa undir lánssamning við Everton. Senderos hefur ekki náð að festa sig í sessi með Arsenal í yfirstandani tímabili. Lánssamningur hans er til enda tímabilsins. Um leið og þetta verður staðfest á heimasíðu Everton set ég það hér inn.
Greinilegt er að David Moyes er í "overdrive" þessa dagana á leikmannamarkaðinum. Ungur Ungverskur leikmaður Andras Gosztonyi er á leið til Everton þar sem hann fær að spreyta sig í prufuleik. Hann hefur áður komið til reynslu hjá Newcastle og Blackburn. Einnig þá er Moyes við það að ná til sín Jan Mucha, en hann er frá Slóvakíu og spilar með Legia Warsaw í Póllandi. Mucha þessi er víst gríðarlega góður markvörður.
Einnig þá hefur Norðmaðurinn Knut Olav verið við æfingar hjá Everton, Moyes vill reyndar ekki gefa neitt upp um hvað kom út úr því. Það skýrist á næstu dögum.
Þá leikurinn í dag, Osmann er kominn á ný í hópinn og slúðrið segir að Arteta verði á bekknum. Þá hefur Moyes sagt að Anichebe, Rodwell og Gosling séu mjög nærri því að ná sér af meiðslum.
Bíð eftir staðfestingu á Senderos, góðar stundir!
Staðfesting er komin á heimasíðu Everton (www.evertonfc.com) að Senderos kemur að láni til Everton til loka tímabils.
Skrifað af: Einar Guðberg Jónsson
Miðvikudagur, 20. janúar 2010 09:22
Heyrst hefur að Jermaine Beckford hafi náð samkomulagi við Everton og skrifað undir "pre contract agreement". Hann kemur því að öllu óbreyttu til Everton í lok tímabils. Þessi samningur er þó ekki bindandi og getur hann því samið við annað lið í millitíðinni. Beckford er búinn að spila gríðarlega vel með Leeds það sem af er og er honum líkt við marga af helstu sóknarmönnum seinni tíðar. Þó er talið að ef hann nær að skora mikið af mörkum í þeim leikjum sem eftir eru þá verði margir "stærri" klúbbar en Everton á eftir honum. Spurning hvað verður.
Í öðrum fréttum þá stefnir Mikel Arteta á að spila gegn Liverpool í næsta mánuði. Arteta er búinn að vera að æfa með liðinu núna í eina og hálfa viku og samkvæmt David Moyes þá mun hann þyngja æfingar hans núna og sjá hvort hann nái sér á strik. Moeys er þó bjartsýnn að það séu ekki meira en fjórar vikur þar til Arteta sjáist á ný spila fyrir Everton.
Meira síðar, góðar stundir!
Skrifað af: Einar Guðberg Jónsson
Þriðjudagur, 19. janúar 2010 09:26
Nú virðist allt lýta út fyrir að Seneros fari ekki til Everton á láni í janúar. Senderos hefur verið í viðræðum við Glasgow Celtic um að fara þangað að láni. Þá segir orðrómurinn að Senderos sé búinn að semja við lið í Serie A deildinni á Ítalíu, á svokölluðum Bosman skilyrðum. En samningur Senderos við Arsenal rennur út í vor.
Knut Olav Rindaroy er á leiðinni til reynslu hjá Everton. Þessi 24 ára gamli leikmaður Molde hefur spilað með þeim síðan 2004 við góðan orðstír.
Þá hefur heyrst að útsendarar Everton hafi verið á Spáni að skoða einn efnilegasta leikmann sem þar hefur komið fram, en það er Sergio Canales Madrazo. Hann spilar með Racing Santander. Hann er eingöngu 18 ára gamall og gríðarlegt efni. Því miður virðist þó vera að Real Madrid og Arsenal séu framar en við í röðinni.
Jæja meira síðar, góðar stundir!
Skrifað af: Einar Guðberg Jónsson
Mánudagur, 18. janúar 2010 09:48
Enn er Landon Donovan eini maðurinn sem að Moyes hefur landað í janúarglugganum. Hann hefur náð að falla vel inn í leik Everton. Hann stóð sig mjög vel gegn Manchester City á laugardaginn. Donovan sagði sjálfur að hann myndi skoða stöðuna í mars þegar kemur að lokum lánssamnings hans.
Donovan sagði að sér hefði verið tekið ótrúlega vel og meðan ástandið væri svoleiðis þá vildi hann ekki valda stuðningsmönnum vonbrigðum. Hann sagði að andrúmsloftið hjá Everton væri allt öðruvísi og betra en þegar hann var í Þýskalandi.
Lois Saha lenti í útistöðum á bílastæðinum við Goodison eftir leikinn gegn City. Stuðningsmaður Everton vildi fá áritum, sem að Louis veitti honum. Þá vildi stuðningsmaðurinn fá treyjuna hans en Louis vildi ekki gefa honum hana. Þá greip maðurinn húfu Saha og greip í tösku hans eins og til að stela henni. Þá snéri Frakkinn manninn niður. Enginn meiddist og ekki hefur verið kært til lögreglu. Talsmaður Everton sagði að Louis hefði brugðist hárrétt við og varið sig.
Eftir að Neill fór til Tyrklands er Moyes að undirbúa fimm milljón punda boð í Rod Fanni frá Rennes. Við höfum áður sagt frá þessu. Nú er talið líklegt að Moyes leiti allra ráða til að ná honum til Everton. Nú þarf Moyes að fara að spýta í lófana ef hann ætlar að ná mönnum inn í janúar.
Meira síðar, góðar stundir!
Síða 1 af 26
« FyrstaFyrri12345678910NæstaSíðasta »
