Baxter laus allra mála hjá Everton

Mynd: Everton FC.

Jose Baxter, sem eitt sinn var talinn „næsti Rooney“ er nú laus allra mála hjá Everton. Baxter náði einungis 7 leikjum með aðaliði klúbbsins auk þess að fara sem lánsmaður til Tranmere. Baxter hefur klárlega hæfileika enda var hann ansi liðtækur í markaskorun með unglingaliðum og varaliðum Everton en náði sér aldrei á strik. Baxter hefur verið hálfgerður vandræðagemsi og var þar á meðal handtekin 2009 fyrir vörslu kannabisefna og grun um að hafa undir höndum falsaða peninga.

Sögusagnir herma að hann sé að ganga til liðs við Crystal Palace, en ekkert hefur verið staðfest í þeim efnum.