Everton.is

Senderos kemur til Everton (staðfest)

Skrifað af: Einar Guðberg Jónsson
Laugardagur, 23. janúar 2010 08:16

Flestir íþrótta netmiðlar fylltust í gærkvöldi af þeirri frétt að Senderos væri búinn að skrifa undir lánssamning við Everton. Senderos hefur ekki náð að festa sig í sessi með Arsenal í yfirstandani tímabili. Lánssamningur hans er til enda tímabilsins. Um leið og þetta verður staðfest á heimasíðu Everton set ég það hér inn.

Greinilegt er að David Moyes er í "overdrive" þessa dagana á leikmannamarkaðinum. Ungur Ungverskur leikmaður Andras Gosztonyi er á leið til Everton þar sem hann fær að spreyta sig í prufuleik. Hann hefur áður komið til reynslu hjá Newcastle og Blackburn. Einnig þá er Moyes við það að ná til sín Jan Mucha, en hann er frá Slóvakíu og spilar með Legia Warsaw í Póllandi. Mucha þessi er víst gríðarlega góður markvörður.

Einnig þá hefur Norðmaðurinn Knut Olav verið við æfingar hjá Everton, Moyes vill reyndar ekki gefa neitt upp um hvað kom út úr því. Það skýrist á næstu dögum.

Þá leikurinn í dag, Osmann er kominn á ný í hópinn og slúðrið segir að Arteta verði á bekknum. Þá hefur Moyes sagt að Anichebe, Rodwell og Gosling séu mjög nærri því að ná sér af meiðslum.

Bíð eftir staðfestingu á Senderos, góðar stundir!

Staðfesting er komin á heimasíðu Everton (www.evertonfc.com) að Senderos kemur að láni til Everton til loka tímabils.

Beckford og Arteta

Skrifað af: Einar Guðberg Jónsson
Miðvikudagur, 20. janúar 2010 09:22

Heyrst hefur að Jermaine Beckford hafi náð samkomulagi við Everton og skrifað undir "pre contract agreement". Hann kemur því að öllu óbreyttu til Everton í lok tímabils. Þessi samningur er þó ekki bindandi og getur hann því samið við annað lið í millitíðinni. Beckford er búinn að spila gríðarlega vel með Leeds það sem af er og er honum líkt við marga af helstu sóknarmönnum seinni tíðar. Þó er talið að ef hann nær að skora mikið af mörkum í þeim leikjum sem eftir eru þá verði margir "stærri" klúbbar en Everton á eftir honum. Spurning hvað verður.

Í öðrum fréttum þá stefnir Mikel Arteta á að spila gegn Liverpool í næsta mánuði. Arteta er búinn að vera að æfa með liðinu núna í eina og hálfa viku og samkvæmt David Moyes þá mun hann þyngja æfingar hans núna og sjá hvort hann nái sér á strik. Moeys er þó bjartsýnn að það séu ekki meira en fjórar vikur þar til Arteta sjáist á ný spila fyrir Everton.

Meira síðar, góðar stundir!

Knut

Skrifað af: Einar Guðberg Jónsson
Þriðjudagur, 19. janúar 2010 09:26

Nú virðist allt lýta út fyrir að Seneros fari ekki til Everton á láni í janúar. Senderos hefur verið í viðræðum við Glasgow Celtic um að fara þangað að láni. Þá segir orðrómurinn að Senderos sé búinn að semja við lið í Serie A deildinni á Ítalíu, á svokölluðum Bosman skilyrðum. En samningur Senderos við Arsenal rennur út í vor.

Knut Olav Rindaroy er á leiðinni til reynslu hjá Everton. Þessi 24 ára gamli leikmaður Molde hefur spilað með þeim síðan 2004 við góðan orðstír.

Þá hefur heyrst að útsendarar Everton hafi verið á Spáni að skoða einn efnilegasta leikmann sem þar hefur komið fram, en það er Sergio Canales Madrazo. Hann spilar með Racing Santander. Hann er eingöngu 18 ára gamall og gríðarlegt efni. Því miður virðist þó vera að Real Madrid og Arsenal séu framar en við í röðinni.

Jæja meira síðar, góðar stundir! 

Enn er allt hljótt á leikmannamarkaðinum

Skrifað af: Einar Guðberg Jónsson
Mánudagur, 18. janúar 2010 09:48

Enn er Landon Donovan eini maðurinn sem að Moyes hefur landað í janúarglugganum. Hann hefur náð að falla vel inn í leik Everton. Hann stóð sig mjög vel gegn Manchester City á laugardaginn. Donovan sagði sjálfur að hann myndi skoða stöðuna í mars þegar kemur að lokum lánssamnings hans.

Donovan sagði að sér hefði verið tekið ótrúlega vel og meðan ástandið væri svoleiðis þá vildi hann ekki valda stuðningsmönnum vonbrigðum. Hann sagði að andrúmsloftið hjá Everton væri allt öðruvísi og betra en þegar hann var í Þýskalandi.

Lois Saha lenti í útistöðum á bílastæðinum við Goodison eftir leikinn gegn City. Stuðningsmaður Everton vildi fá áritum, sem að Louis veitti honum. Þá vildi stuðningsmaðurinn fá treyjuna hans en Louis vildi ekki gefa honum hana. Þá greip maðurinn húfu Saha og greip í tösku hans eins og til að stela henni. Þá snéri Frakkinn manninn niður. Enginn meiddist og ekki hefur verið kært til lögreglu. Talsmaður Everton sagði að Louis hefði brugðist hárrétt við og varið sig.

Eftir að Neill fór til Tyrklands er Moyes að undirbúa fimm milljón punda boð í Rod Fanni frá Rennes. Við höfum áður sagt frá þessu. Nú er talið líklegt að Moyes leiti allra ráða til að ná honum til Everton. Nú þarf Moyes að fara að spýta í lófana ef hann ætlar að ná mönnum inn í janúar.

Meira síðar, góðar stundir!

Meira slúður

Skrifað af: Einar Guðberg Jónsson
Fimmtudagur, 07. janúar 2010 10:04

Nú eru hjólin farin að snúast á leikmannamarkaðinum. Fá lið virðast hafa peninga til að kaupa menn þannig að lánssamningar eru það sem verða vill.

Moyes reynir eins og rjúpa við staur að fá Philippe Senderos að láni frá Arsenal. Það eru reyndar líka sögur um það að Moyes reyni að kaupa hann. Spurning hvernig það gengur.

Þá er Kenwright að undirbúa 2,5 milljóna punda boð í Benny McCarthy frá Blackburn. Benny er orðinn 32 ára gamall og hefur eingöngu skorað eitt mark í þrettán leikjum á tímabilinu.

Nú er bara spurning hvað gerist á næstu dögum.

Góðar stundir

Leikmanna slúður

Skrifað af: Einar Guðberg Jónsson
Mánudagur, 04. janúar 2010 11:29

Jæja þá er komið að fyrsta leikmannaslúðri ársins, ég vona að áhagendur Everton hafi haft það gott yfir jól og áramót. Úrslit voru okkur þokkalega í hag, en betur má ef duga skal. Erfiður leikur gegn Arsenal framundan.

David Moyes er brjálaður út í Jo fyrir að hafa yfirgefið England og farið heim til sín í óþökk allra. Hann er búinn að gefa það út að hann muni ekki fyrirgefa Jo þetta og vill losna við hann. Sumir halda að þetta hafi verið kornið sem fyllti mælinn og góð afsökun fyrir Moyes að losna við hann enda hefur Jo ekki sýnt mikið á leiktímabilinu.

Það sem Moyes er helst að skoða núna er að fá 31 árs gamlan framherja Frédéric Piquionne, en hann er í láni hjá Portsmouth frá Lyon. Persónulega veit ég ekki hversu gáfulegt það er, þó svo að hann hafi skorað í sigurleik Portsmouth gegn Liverpool seint á síðasta ári. Hann er búinn að vera á miklu flakki á sínum ferli.

Þá er Moyes einnig á eftir öðrum Frakka, Rod Fanni, frá Rennes. Rod er hægri bakvörður og hefur staðið sig vel í frönsku deildinni. Hann hefur spilað fjóra leiki fyrir franska landsliðið. Moyes hefur áður verið orðaður við Rod, en hann er samningsbundinn við Rennes til 2012.

Einnig er talað um Victor Moeses frá Cristal Palace. Victor er 19 ára gamall, upprunalega frá Nígeríu en fluttist til Englands þegar hann var 11 ára eftir að foreldrar hans voru myrtir. Hann hefur spilað nokkra leiki fyrir yngri landslið Englendinga við góðan orðstír. Það eru nokkuð mörg félög á eftir Victor, spurning hvað Moyes getur gert. Victor spilar bæði em kantmaður og framherji.

Nú er mikið talað um að Alan Irvine komi til baka inn í þjálfarateymi David Moyes og fagna menn því að hann geti þá tekið Billy í gegn, en áhyggjur hafa vaknað að hann sé ekki að falla nógu vel inn í spilið hjá Everton. Irvine var kantmaður á sínum ferli og gæti því vonandi tekið Billy almennelega í gegn.

Í öðrum fréttum þá er Landon Donovan kominn í herbúðir Everton, hann flaug frá Bandaríkjunum á laugardaginn og náði á Goodison í seinni hálfleik og horfði á væntanlega liðsfélaga vinna Carlisle. Hann fær almennilegan leik í fyrsta leik, gegn Arsenal. Spurning hvort að Moyes tefli honum fram í byrjunarliði strax. Þá hrósaði Moyes Coleman og Agard í hástert eftir leikinn á laugardag. Í kjölfarið birtust þær fréttir að Agard sé mögulega á förum á láni til Hearts.

Meira síðar, góðar stundir!