Skrifað af: Einar Guðberg Jónsson
Þriðjudagur, 20. október 2009 23:39
Í síðustu frétt var því velt upp hverju væri um að kenna hjá Everton, þ.e. afhverju fleiri stig væru ekki komin í hús. Það er kannski eitt sem gleymist, Everton hefur ekki tapað sjö síðustu leikjum. Er það ekki bara ágætt??? Erkióvinirnir geta ekki státað af þessu, er það nokkuð? Þetta er kannski galli okkar Everton manna, við eigum það til að verða pirraðir aðeins of fljótt.
En að öðru, stærsti leikur okkar í Evrópu í 25 ár er næsta fimmtudag, og ef að við náum að halda hlutfalli okkar, þ.e. ekki tapa, þá erum við í mjög góðum málum í Evrópudeildinni. Benfica er klárlega sterkasta liðið í riðlinum sem við verðum að kljást við. Everton seldi sína 3500 miða strax á leikinn og talið er að mun fleiri munu mæta.
Gaman væri að fá hugmyndir manna að uppstillingu fyrir fimmtudaginn. Sérstaklega þar sem það virðist vera ólíklegt að Pienaar spili. Hvern viljið þið sjá stjórna spilinu??
Þá er athyglisvert að sjá að 13 ára tvíburar eru að reyna fyrir sér með undir 13 ára liði Everton um þessar mundir, þetta eru synir gömlu kempunnar Daniel Amokachi, þeir Nazim og Khaled. Eru þarna á ferð næstu stjörnur Everton???
Góðar stundir
Skrifað af: Einar Guðberg Jónsson
Mánudagur, 19. október 2009 16:50
Góðan daginn, þetta tímabil fer ekki alveg nógu vel af stað. Moyes viðurkennir í fjölmiðlum að ein af ástæðunum sé að margir af reyndustu leikmönnum liðsins eiga við meiðsl að stríða. Því miður virðist þetta vera sagan endalausa hjá okkar mönnum. Meiðslalistinn er langur og því miður virðast meiðslin vera þrálát hjá þessum mönnum. Þeir sem eru á meiðslalistanum eru meðal annars Arteta, Jagielka, Yobo, Pienaar og að sjálfsögðu Neville, fleiri eru þarna og er þetta ekki nógu gott.
Þá er nokkuð mikið talað um norskan varnarmann sem að Moyes á að vera mjög hrifinn af og var á óskalista hans í haust. Ég verð að viðurkenna að ég reyndi að finna eitthvað um þennan leikmann en takmarkað fannst. Hann heitir Knut Olav Rindarøy, er 23 ára gamall og spilar fyrir Molde í Noregi. Hann á að baki 3 U21 árs landsleiki og 1 með aðalliði Noregs.
Þá er vonandi að loforð Diniyar Bilyaletdinov verði að veruleika en hann segist vilja skora fleiri mörk fyrir Everton. Okkur veitir ekki af því sérstaklega þar sem Saha virðist dottinn í óstuð.
Meira síðar
Skrifað af: Þórarinn Jóhannsson
Fimmtudagur, 15. október 2009 09:17
Nú lítur allt út fyrir að "the big Fella" verði ekki með á móti Wolves í næsta leik. Málið er að Dick Advocat nýráðinn þjálfari Belgíu vill banna honum það. Til er regla að að hjá Fifa að boði leikmaður afföll í landsleik getur viðkomandi land bannað hann frá keppni í 5 daga. Til eru dæmi um að leikmenn sem hafa verið óumdeilanlega meiddir fái samt þetta 5 daga bann.
Þess má geta að Fellaini þarf að fara í tannaðgerð sem hefur valdið honum miklum sársauka síðustu mánuði.
Skrifað af: Administrator
Fimmtudagur, 24. september 2009 12:09
Everton heldur áfram að vinna stórt og nú var það Hull í bikarnum á útivelli. Margir lykilmenn voru hvíldir en skemmtilegt er að segja frá því að Yakubu byrjaði og skoraði strax eftir ca 10 mínótur. Það voru annars Yakubu, Jo , Gosling og Osman sem skoruðu í leiknum í þessari röð.
Einnig er kominn Facebook grúppa fyrir everton.is um að gera fyrir þá sem nota FB ( hver gerir það ekki í dag!!! ) að smella á linkinn og skrá sig í grúppunna.
http://www.facebook.com/group.php?gid=134759013730
Skrifað af: Administrator
Þriðjudagur, 22. september 2009 09:05
Louis Saha er heldur betur að finna sitt gamla form og er farinn að raða inn mörkum fyrir Everton. Tveir frábærir sigrar (4-0 og 3-0) er heldur betur að blása lífi í bæði lið og stuðningsmenn. Það var fyrst í í evrópuleiknum á móti AEK sem liðið vaknaði eftir langan (sumar)blund og ekki seinna vænna.
En og aftur blása vindar á móti okkur og fyrirliðinn okkar meiddur í þónokkurn tíma.
Skrifað af: Elvar Örn Birgisson
Fimmtudagur, 17. september 2009 09:02
Skv. fjölmörgum netmiðlum er Lucas Neill á leið í læknisskoðun hjá Everton fyrir hádegi í dag. Hann skrifar undir samning eftir hádegi í dag, gangi allt eftir.
Lucas Neill er 31 árs ástralskur landsliðsmaður og hefur því leikið við hlið Tim Cahill í fjölmörgum landsliðsleikjum fyrir ástrala.
Neill getur spilað bæði hægri bakvörð og miðvörð og hefur leikið með West Ham seinustu árin en samningur hans við félagið rann út nú í vor og er hann því laus allra mála og því er hægt að semja við kappann þó félagsskipta glugginn hafi lokað fyrir um 2 vikum síðan.
Skrifað af: Georg Haraldsson
Miðvikudagur, 02. september 2009 11:51
Þá er glugginn lokaður og okkar menn náðu að kaupa John Heitinga áður en glugginn lokaði. John Heitinga er 25 ára gamall varnarmaður sem getur bæði spilað í miðverði og hægri bakverði. Heitinga er fastamaður í Hollenska landsliðinu og þar að auki fyrirliði þeirra. Ég tel þetta mjög góð kaup á mjög litlu verði £6m sem gæti hækkað uppí £7m, miðað við að við seldum Lescott á um 24m pund. Heitinga sem skrifaði undir 5 ára samning við félagið er uppalinn hjá Ajax en hann gekk í raðir Atletico Madrid frá hollenska félaginu.
Sumarið lítur því svona út hjá okkar mönnum:
Inn: Heitinga, Distin, Bilyaletdinov og framhald af lánsamningi á Jo
Út: Lescott, Jacobsen, Valente, Castillo og Van Der Meyde.
Síða 6 af 27
« FyrstaFyrri12345678910NæstaSíðasta »
