Everton – West Ham 1-3

Mynd: Everton FC.

Uppstillingin: Pickford, Digne, Zouma, Holgate, Kenny, Schneiderlin, Gueye, Calvert-Lewin, Gylfi (fyrirliði), Walcott, Tosun.

Frábær árshátíð á Akureyri og skemmtilegur aðalfundur að baki. Nú er komið að hittingi á Cafe Amour að sjá Everton mæta West Ham kl. 15:00. Endilega fjölmenna!

Leikurinn fór rólega af stað og lítið að gerast. Everton með boltann 62% leiks en West Ham menn sátu djúpt og vörðust vel. Lítið sem gekk hjá Everton framan af og var nokkuð frústrerandi að horfa upp á fyrir hálfleikinn, þar sem Everton glataði boltann oft eftir feilsendingar og mistök.

Fyrsta færið kom á 9. mínútu, þegar Calvert-Lewin fékk stungusendingu frá Gana en fyrsta snertingin brást honum og hann missti boltann of langt frá sér.

En strax í kjölfarið komust West Ham menn í skyndisókn sem þeir skoruðu úr, þvert gegn gangi leiksins. Yarmalenko með markið en það var eins og skrifað í skýin að hann myndi skora, því Everton liðið búið að reyna að fá hann til liðs við sig í nokkur ár.

Fyrsta almennilega færi Everton kom á 25. mínútu þegar Digne lék á Yarmalenko á kantinum og sendi frábæran háan bolta inn í teig, beint á kollinn á Tosun sem náði að stýra boltanum á markið en ekki nægilega erfitt fyrir Fabianski í markinu að verja.

En á 30. mínútu bætti Yarmalenko við öðru marki fyrir West Ham. Pickford átti slæma sendingu fram völlinn, beint á leikmann West Ham sem komust í skyndisókn sem endaði með því að Yarmalenko þrumaði boltanum upp í vinstra hornið með föstu skoti innan teigs.

Walcott var næstum búinn að skora glæsilegt mark á 35. mínútu þegar hann tók viðstöðulaust skot utan af kanti en Fabianski varði glæsilega yfir mark. Tosun komst svo í færi innan teigs en aftur varði Fabianski vel.

West Ham voru stálheppnir að fá ekki rautt á 39. mínútu þegar varnarmaður þeirra fór með takkana í hnakkann á Walcott (sjá hér) en dómari sá ekki ástæðu til að gefa meira en gult.

Schneiderlin út af fyrir Bernard á 44. mínútu. Ekki sýnileg meiðsli, en sjúkraþjálfari sinnti honum utan vallar.

En Everton náði loks að rjúfa varnarmúrinn Í uppbótartíma fyrri hálfleiks og þar var að verki fyrirliðinn Gylfi Þór Sigurðsson með algjörlega frábæran skalla utan úr teig eftir háa fyrirgjöf frá hægri. Stangaði boltann netið, óverjandi fyrir Fabianski.

1-2 í hálfleik.

Everton byrjaði fyrri hálfleik af nokkrum krafti en þetta var svipað frústrerandi og í fyrri hálfleik. Engin dauðafæri litu dagsins ljós fyrr en á 60. mínútu, þegar Arnautovic bætti við þriðja markinu fyrir West Ham. Staðan 1-3.

Tosun hefði átt að svara strax á 65. mínútu þegar hann fékk boltann óvænt inni í teig (boltinn í fæturna á leikmanni West Ham og til Tosun). Tosun með bakið í markið tók snúning en skaut yfir mark, nálægt marki. Þar hafði hann átt að setja boltann á rammann.

Lookman inn fyrir Walcott á 77. mínútu.

Everton fékk svo frábært færi til að minnka muninn á 83. mínútu þegar Digne sendi frábæra sendingu fyrir mark. Niasse þar óvaldaður en skaut í neðanverða slá og út.

Ekki góður vinnudagur hjá Everton í dag. West Ham menn stigalausir fyrir þennan leik en einhvern tímann verða vondir að vinna, eins og maðurinn sagði.

Einkunnir Sky Sports: Pickford (5), Kenny (7), Holgate (5), Zouma (5), Digne (7), Gueye (6), Schneiderlin (5), Walcott (6), Sigurdsson (6), Calvert-Lewin (6), Tosun (5). Varamenn: Bernard (6), Niasse (6), Lookman (6).

En við Sunnlendingarnir þökkum kærlega fyrir gestrisni ykkar fyrir norðan og við hlökkum til að koma aftur!

6 Athugasemdir

  1. Gestur skrifar:

    Þessu liði er ekki viðbjargandi.

    • Orri skrifar:

      Þar er ég þér sammála Gestur þetta er sama hörmungin og á siðustu leiktíð,ég er hættur að horfa á leikinn.

  2. Ingvar Bæringsson skrifar:

    Það er alltaf sama sagan!! Þegar þú ert í basli þá er gott að mæta Everton.🤬🤬🤬🤬🤬🤬🤬🤬🤬🤬🤬🤬🤬🤬

  3. Eric Einarsson skrifar:

    Ég er svo reiður að því ekki orði ýlkt! Ég var búninn að bíða þolinmóðir í fyrra, og sagði við sjálfan mig, ok, þetta kemur á næsta ári, gefum þessu séns! En hvað! Ég get ekki meira, að tapa á West ham á Goodisson, nei, þá er mér öllum lokið.

  4. Teddi skrifar:

    Áfram gakk.

    100 mínútur þangað til maður kveikir á skjánum, og allt rosalega hljótt á þessum fallega degi.(sv-lands) 🙂

    Spái grátlegu 1-1 jafntefli gegn Arsenal þar sem 2 stigum verður stolið af Everton.

  5. Ingvar Bæringsson skrifar:

    Þá er það the arse í dag og eins og venjulega býr maður sig undir það versta en vonar það besta. Þetta fer 4-0 fyrir the arse.