Ronald Koeman næsti stjóri Everton – STAÐFEST

Skv. frétt BBC hefur Everton náð samningum um að Ronald Koeman verði næsti stjóri Everton, en klúbburinn á þó enn eftir að staðfesta þetta. Þetta verður þó að teljast „næsta víst“, fyrst þetta er komið á BBC, sem yfirleitt eru ekki of fljót á sér í þessum efnum. (Uppfært: Staðfesting komin)

Koeman er 53ja ára gamall og hefur náð eftirtektarverðum árangri hjá Southampton á þeim tveimur árum sem hann eyddi með þeim, en þeir enduðu í 7. og 6. sæti þrátt fyrir að hafa orðið fyrir þó nokkurri blóðtöku við byrjun beggja tímabila.

Koeman var sem leikmaður þekktur sem grjótharður varnarmaður sem var iðinn við að skora og á mjög flottan feril að baki. Hann lék meðal annars með Ajax, PSV og Barcelona og vann Evrópubikarinn (sem nú kallast Meistaradeildin) með síðarnefndu tveimur félögunum og UEFA Supercup með Barcelona, svo dæmi sé tekið. Hann hefur einnig unnið hollensku og spænsku deildina nokkrum sinnum og varð Evrópumeistari með hollenska landsliðinu árið 1988.

Sem stjóri hefur hann leitt bæði Ajax og PSV til sigurs í hollensku deildinni, Ajax til sigurs í hollenska bikarnum og vann einnig með þeim „góðgerðarskjöldinn“ (Cruijff Shield). Hann vann síðan aftur þann skjöld árið 2009 með AZ Alkmaar. Til gamans má geta að meðalvinningshlutfall hans í leikjum er 54.88%.

Talið er að Everton þurfi að borga Southampton 5M punda til að fá starfslok Koeman, sem skrifaði undir þriggja ára samning við Everton.

Þau hjá BBC sögðu við þetta tækifæri:

Everton’s appointment of Ronald Koeman as manager is a significant statement of intent from new major shareholder Farhad Moshiri.

Koeman’s standing as a player for the Netherlands and Barcelona, for whom he scored the goal that won them their first European Cup in 1992, instantly elevates Everton’s credentials and credibility around Europe.

It is an indication of how Moshiri means business and Koeman will be backed by huge transfer funds this summer, irrespective of whether Romelu Lukaku and John Stones stay at Everton.

Moshiri wanted to make an appointment that would demonstrate the scale of his plans for Everton and Koeman fitted the bill[…]

Velkominn, Koeman!